काठमाडौं। नेकपा (एमाले) को संगठित सदस्यता अपेक्षित मात्रामा नवीकरण नभइरहेको समाचार आइरहेका बेला नेपाली कांग्रेसका महामन्त्री गगन थापाले पार्टी सदस्यता वृद्धिको अति महत्त्वाकांक्षी प्रस्ताव अघि सारेका छन्। एमालेका करिब ८ लाख सदस्यमध्ये आधाभन्दा पनि कमले नवीकरण गरेको समाचार आएका थिए ।
कांग्रेसको जारी केन्द्रीय समिति बैठकमा उनले पार्टीको क्रियाशील सदस्यता पाँचदेखि सात लाखसम्म वृद्धि गर्ने लक्ष्य प्रस्तुत गरेका छन् । अहिले नेपाली कांग्रेसका करिब ८ लाख ५० हजार क्रियाशील सदस्य रहेको बताइन्छ । तीमध्ये कतिले नवीकरण गरेको वा नगरेको हो, प्रष्ट छैन । एमालेको सदस्यता ५० प्रतिशत पनि नवीकरण हुन नसकिरहेको समयमा कांग्रेसको सदस्यता नवीकरणको दरमा पनि सोहीअनुरूपको प्रभाव पर्ने नै हुन्छ ।
व्यावहारिक यथार्थ हेर्दा नेपाली कांग्रेसको सदस्यता एमालेको भन्दा पनि कम नवीकरण हुनसक्ने सम्भावना छ । किनकि, नयाँ उदाएका दल राष्ट्रिय स्वतन्त्र पार्टी, जनमत र नागरिक उन्मुक्ति पार्टीको विकास कांग्रेसको प्रभाव क्षेत्रमा भएको छ। रास्वपाको सदस्यता लिइरहेका मध्ये ६० प्रतिशत नेपाली कांग्रेसका पूर्व सदस्य तथा समर्थक रहेको बताइन्छ । काठमाडौंमा उम्मेदवार बनेका वा जितेका अधिकांश रास्वपा सांसदको पारिवारिक पृष्ठभूमि कांग्रेसको छ । चितवन र तनहुँको बदलिएको राजनीतिक समीकरण र उपनिर्वाचन परिणामले पनि त्यही संकेत गर्दछ ।
जनमत पार्टीको उदय भएको मधेस प्रदेश पनि कम्युनिस्टभन्दा कांग्रेसकै बलियो आधार क्षेत्र थियो । त्यसो त, जनमत पार्टीको उदयले कांग्रेसलाई मात्रै हैन, जसपा, लोसपाजस्ता पुराना मधेस–केन्द्रित दललाई समेत प्रभावित गरेको छ । तर, कांग्रेससमेत अप्रभावित रहने छैन ।
नागरिक उन्मुक्ति पार्टीले राम्रो जनसमर्थन पाएका कैलाली, बर्दिया र दाङ पनि मूलतः कांग्रेस बलियो भएका जिल्ला थिए । यो यथार्थलाई हेर्दा कांग्रेसको पुरानो सदस्यतामा नै करिब ४०% को कमी आई करिब ५ लाख मात्र कायम हुन सक्ने देखिन्छ । तर, कांग्रेस महामन्त्रीले भने १३ देखि १५ लाख पार्टी क्रियाशील सदस्य बनाउने प्रस्ताव अघि सारेका छन्, जसको कुनै वस्तुगत आधार छैन ।
कांग्रेस महामन्त्रीले यो दाबी गर्न सक्लान् कि पार्टीले नयाँ पुस्ता र अन्य दलका समेत समर्थकलाई आकर्षित गरी यो लक्ष्य हासिल गर्नेछ । तर, २०८० भित्र ९ महिनाको छोटो अवधिमा त्यसो हुन सक्ने कुनै सम्भावना छैन । यो कांग्रेस आक्रामक हैन, प्रतिरक्षात्मक हुन बाध्य भएको समय हो । नेपाली समाजका राजनीतिक यथार्थलाई आत्मसात् गर्ने हो भने २०८० भित्र कांग्रेसले यो लक्ष्य किमार्थ हासिल गर्न सक्दैन ।
२०७४ को आम निर्वाचनमा ३२.७८ प्रतिशत मत पाएको कांग्रेसले गत आम निर्वाचनमा झण्डै २६ प्रतिशत अर्थात् करिब २७ लाख मात्र समानुपातिक मत पाएको थियो । गत वर्ष मंसिर ४ को आम निर्वाचनमा करिब २७ लाख मत भएको र त्यसपछिका दिनमा झनै घट्दो दरमा रहेको पार्टींले १३ देखि १५ लाख सदस्य बनाउँछु भन्नुको अर्थ प्रति दुईमध्ये १ समर्थक र मतदातालाई क्रियाशील सदस्य बनाउनु हो ।
कांग्रेस महामन्त्रीले यो दाबी गर्न सक्लान् कि पार्टीले नयाँ पुस्ता र अन्य दलका समेत समर्थकलाई आकर्षित गरी यो लक्ष्य हासिल गर्नेछ । तर, २०८० भित्र ९ महिनाको छोटो अवधिमा त्यसो हुन सक्ने कुनै सम्भावना छैन । यो कांग्रेस आक्रामक हैन, प्रतिरक्षात्मक हुन बाध्य भएको समय हो । नेपाली समाजका राजनीतिक यथार्थलाई आत्मसात् गर्ने हो भने २०८० भित्र कांग्रेसले यो लक्ष्य किमार्थ हासिल गर्न सक्दैन ।
पूरा हुन नसक्ने हावादारी लक्ष्य प्रस्तुत गर्नु एक प्रकारको अति महत्त्वाकांक्षा त हो नै अर्को प्रकारले प्रियतावाद र गैरजिम्मेवार राजनीति पनि हो । किनकि, लोकतन्त्रमा जिम्मेवार राजनीतिक दलका नीति, कार्यक्रम तथा योजना हावादारी र अति महत्त्वाकांक्षी नभएर वस्तुसंगत हुन आवश्यक हुन्छ ।
मानौं महामन्त्री थापाको प्रस्तावअनुसार नेपाली कांग्रेसले १५ लाखको अधिकतम् लक्ष्य हासिल हुने गरी क्रियाशील सदस्य बनायो, अरु दलले पनि देखासिकी त्यही बाटो रोज्लान् । देशको करिब आधा मतदाता कुनै न कुनै दलको सदस्य हुने स्थिति उत्पन्न होला । यो प्रवृति लोकतन्त्रको स्वास्थ्यका लागि हितकर हो कि नोक्सानदायक भन्ने बहससँगै उठ्ने छ ।
नेपाली मतदाताले यतिखेर दलतन्त्रबाट मुक्ति खोजिरहेका छन् । त्यसको अर्थ–दलीय प्रणालीबाट विमुख हुने हैन । ‘दलतन्त्र’ ‘दलीय प्रणाली’ र ‘लोकतन्त्र’ सुन्दा उस्तैउस्तै लागे पनि फरक-फरक अवधारणा हुन् । लोकतन्त्रमा दलीय प्रणाली अपरिहार्य हुन्छ तर, त्यसको अर्थ सबै चिज राजनीतिक दलले कब्जा गरेको हुनुपर्दछ वा कब्जा गर्न पाउनुपर्छ भन्ने हैन ।
लोकतन्त्रमा मतदाताको एक उल्लेखनीय अंश स्वतन्त्र र ‘स्वीङ’ स्थितिमा हुनुपर्दंछ । त्यसले चुनावैपिच्छे तत्कालीन परिस्थिति र राष्ट्रिय कार्यभार अनुरूप मत फेर्ने वा नफेर्ने निर्णय गर्ने क्षमता राख्नुपर्दछ । दलहरूले आक्रामक सदस्यता वृद्धि अभियान सञ्चालन गर्नु भनेको लोकतन्त्रको त्यो पक्ष र सौन्दर्यको हत्या गर्न खोज्नु हो ।
लोकतन्त्र सफल हुन नागरिक स्वंय सार्वभौम हुनुपर्दछ । सबै नागरिक वा मतदात कुनै न कुनै दलको सदस्य भएर त्यसको ह्विप, निर्देशन तथा निर्णय मान्न बाध्य हुन्छ भने दलहरूले गरेको ठीक-बेठीकको ‘मूल्यांकन’ कसले गर्ने ? स्वतन्त्र विवेक कसले प्रयोग गर्ने ? दलको सदस्य हुनुको अर्थ दलीय अनुशासनमा बाँधिनु र दलका राम्रा नराम्रा कर्मलाई साथ दिने वा प्रतिरक्षा गर्ने संयन्त्रको अंग बन्नु पनि हो । यदि सबै मतदाता वा नागरिक यस्तो संयन्त्रको गोटी बन्ने हो भने लोकतन्त्र दलतन्त्रमा पतन हुन्छ ।
लोकतन्त्रमा मतदाताको एक उल्लेखनीय अंश स्वतन्त्र र ‘स्वीङ’ स्थितिमा हुनुपर्दंछ । त्यसले चुनावैपिच्छे तत्कालीन परिस्थिति र राष्ट्रिय कार्यभार अनुरूप मत फेर्ने वा नफेर्ने निर्णय गर्ने क्षमता राख्नुपर्दछ । दलहरूले आक्रामक सदस्यता वृद्धि अभियान सञ्चालन गर्नु भनेको लोकतन्त्रको त्यो पक्ष र सौन्दर्यको हत्या गर्न खोज्नु हो ।
सबै नागरिक र मतदाता कुनै न कुनै दलका सदस्य हुने र निर्वाचन अगाडि नै परिणाम पूर्वअनुमानित हुने हो भने नागरिक सार्वभौमसत्ता र आवधिक निर्वाचनको कुनै अर्थ हुँदैन । तसर्थ, दलहरूको आक्रामक सदस्यता वृद्धि अभियान लोकतन्त्र विरोधी प्रवृति हो । लोकतन्त्रका नाममा लोकतन्त्रलाई नै संकुचन गर्ने हानिकारक प्रवृत्ति हो । नयाँ पुस्ताका र अध्ययनशील भनिएका कांग्रेस महामन्त्री थापाले अझै यो कुरा बुझेका रहेनछन् ।
अर्को कुरा–सदस्य संख्या बढाएर मात्र दल बलियो हुँदैन । यतिखेर कांग्रेस– कम्युनिस्टजस्ता पुराना दल कमजोर हुँदै जानुको कारण उनीहरूको सदस्यता कम भएर वा वडा–वडा, टोलटोलसम्म संगठन नभएर हैन । यसमा त अहिले पनि पुराना दललाई कसैले जित्न सक्दैनन् । सबैले स्वीकार गरेकै छन कि संगठन सञ्जालका दृष्टिले अहिले पनि पुराना दल बलिया नै छन् । काठमाडौंमा बालेन शाह वा धरानमा हर्क साम्पाङले जित्नुको वा गत चुनावमा रास्वपा, जनमत र नागरिक उन्मुक्ति पार्टीले त्यति धेरै भोट ल्याउनुको अर्थ उनीहरूको कांग्रेस–कम्युनिस्टको भन्दा ठूलो संगठन वा धेरै सदस्यता भएर हैन ।
आज पुराना दलप्रतिको जन अविश्वास, आक्रोश वा वितृष्णा संगठनको जालो र सदस्यताको संख्यामा हैन, ती दलहरूको गैरजिम्मेवार चरित्र, गैरलोकतान्त्रिक प्रवृत्ति, हचुवा कार्यशैली, नैतिक मूल्य र संस्कारहीन मनोवृत्ति र सेवाप्रदायन क्षमताको अभाव हो । पुराना दलले आफूलाई सुधार गर्नुपर्ने यहाँनेर हो । तर, त्यसको उल्टो उनीहरूले आक्रामक सदस्यता वृद्धि अभियानजस्ता असान्दर्भिक प्रस्ताव अघि सारिरहेका छन् ।
एमाले पार्टी भुइँ तहका मान्छेले बिगारेको भए पो ग्रासरुटमा गएर सचिन्थ्यो । मिसन ग्रासरुटले सच्याउँथ्यो । बिगारेका छन् माथिकाले, अविश्वास छ मूल नेतृत्व पंक्तिसँग । रोग छ टाउकोमा, पाइतालामा बेसार दलेर त्यो निको हुने कुरै हैन । आज एमालेको ओरालो यात्राको मुख्य कारकतत्त्व २०७४ को कम्युनिस्ट गठबन्धनदेखि यावत ‘नाटक र नौटंकी’ हरू हुन् ।
ठीक यही चरित्र एमालेले देखाउँदै आएको थियो । कहिले ‘मिसन ग्रासरुट’ र कहिले ‘मिसन–२०८४’ जस्ता बकमफुसे योजना सारेर जनमतलाई उल्टै ‘इरिटेट’ गरिरहेको थियो । एमालेको मिसन ग्रासरुटपछि चितवन, बारा र तनहुँको हालत के भयो, उसले बुझ्न पर्थ्यो । तर, उल्टै फेरि ‘मिसन–२०८४ भन्दै हिँडेको छ ।
एमाले पार्टी भुइँतहका मान्छेले बिगारेको भए पो ग्रासरुटमा गएर सचिन्थ्यो । मिसन ग्रासरुटले सच्याउँथ्यो । बिगारेका छन् माथिकाले, अविश्वास छ मूल नेतृत्व पंक्तिसँग । रोग छ टाउकोमा, पाइतालामा बेसार दलेर त्यो निको हुने कुरै हैन । आज एमालेको ओरोलो यात्राको मुख्य कारकतत्त्व २०७४ को कम्युनिस्ट गठबन्धनदेखि यताका यावत ‘नाटक र नौटंकी’ हरु हुन् ।
वाम गठबन्धनप्रतिको विश्वास टुट्नु, चरम गुटबन्दी हुनु, पार्टी ४ टुक्रा हुनु, दुई-दुईपटक असंवैधानिक संसद विघटन हुनु, स्वयं राष्ट्रपतिले अनेक असंवैधानिक हर्कतलाई साथ दिनु, अदालतको विश्वासनीयता समाप्त पारिनु, भ्रष्टाचार बढ्नु, बेरोजगारी, गरिबी र आर्थिक संकट चरम हुनु, देशको ऋणको पासोमा पर्नु र विकास निर्माण ठप्प हुनु आदि कारण हुन् । के यी समस्या ग्रासरुटले सिर्जना गरेको हो ? हैन भने मिसन ग्रासरुटको के काम ? यी समस्या जस्ताको त्यस्तै राखेर मिसन–२०८४ भन्दैमा के लछारपाटो लाग्नेवाला छ ?
ठीक यही कुरा कांग्रेसको पनि हो । कांग्रेसको पतन देउवाको सभापति तथा प्रधानमन्त्रीकालको गुटबन्दी, भ्रष्टाचार, सेवाप्रदायन क्षमताको अभाव, देशको बढ्दो आर्थिक संकटप्रतिको असंवेदनशीलता र कम्युनिस्टहरूको वैशाखी नटेकिकन एक्लै चुनाव लड्ने आत्मविश्वाससमेत गुमाएको परिस्थितिसँग जोडिएको छ । नक्कली भुटानी शरणार्थी प्रकरणसम्म आइपुग्दा सभापति तथा पूर्वप्रधानमन्त्री देउवाको ‘किचेन क्याविनेट’ कुनस्तरमा गिरेको रहेछ भन्ने सबैले प्रष्ट देखेका छन् ।
बालकृष्ण खाण मात्र दोषी हुन, आरजू राणा चोखी होलिन् भनेर गगन थापा र विश्वप्रकाशहरूले जतिसकै बोल्दै हिँडून्, दुनियाँ हाँस्छ मात्र, कसैले पत्याउँदैन ।
अर्थात् एमालेको मुख्य समस्या स्वयं केपी शर्मा ओली, उनको गुट र किचेन क्याबिनेट भएजस्तो कांग्रेसको मुख्य समस्या सभापति शेरबहादुर देउवा, उनको गुट र किचेन क्याबिनेट हो । टाउकोमा भएका यी रोग नहटेसम्म न मिसन ग्रासरुटले, न मिसन–२०८४ ले न आक्रामक सदस्यता अभियानले कुनै लछारपाटो लगाउँदैन ।
साविक नेतृत्व पंक्ति, चरित्र र कार्यशैलीमा एमाले, कांग्रेस, माओवादीजस्ता पुराना दल २०८४ को चुनावमा पनि अझै घट्ने हुन् भन्ने अहिले नै ठोकुवा गर्न सकिन्छ । तसर्थ, महामन्त्री थापालगायतको कांग्रेस केन्द्रीय समितिको पहिलो कर्तव्य अहिले आक्रामक क्रियाशील सदस्यता वृद्धि हैन, पार्टीको नेतृत्व, कार्यशैली र चरित्र सुधार हुनुपर्दछ ।
Facebook Comment
Comment