नेता निर्देश सिलवालले छाडे विवेकशील साझा पार्टी

नेपालभ्युज

काठमाडौं। विवेकशील साझा पार्टीका नेता निर्देश सिलवालले पार्टी छाडेका छन् । उनले मंगलबार पार्टी अध्यक्ष समीक्षा बाँस्कोटा र संयोजक सञ्जीवबल्लभ भट्टराईलाई राजीनामा पत्र बुझाएर पार्टी परित्याग गरेको घोषणा गरेका हुन् ।

उनले तत्काल कुनै दलमा आबद्ध नहुने समेत बताउँदै भनेका छन् । ‘म दलगत आबद्धताबाट मुक्त हुन खोजेको हो, अन्य दलमा प्रवेश गर्न खोजेको होइन’, सिलवालले राजीनामा पत्रमा उल्लेख गरेका छन्, ‘विवेकशील साझा छोडेको हो तर वैकल्पिक राजनीतिको मैदान छोडेको होइन ।’