मन्त्री परिवर्तनबारे भीम रावलको टिप्पणी : दल र नेता निर्वस्त्र मैदानमा देखिनु देश, जनता र लोकतन्त्रको लागि घातक

रावलले अमुक व्यक्तिहरूलाई पालैपालो ६ महीने मन्त्री बनाउन र विपरीत सिद्धान्तका दलसँग पद र सत्ताको लागि गठबन्धन गरी स्वार्थसाधन गर्नु गलत भएको बताए।

नेपालभ्युज

धनगढी। प्रमुख प्रतिपक्षी दल नेकपा एमालेका नेता भीम रावलले नेकपा (एकीकृत समाजवादी)को मन्त्री परिवर्तन गर्ने निर्णयको विारेधमा उत्रिएका छन्।

नेता रावलले सामाजिक सञ्जाल ट्विटरमार्फत अमुक व्यक्तिहरूलाई पालैपालो ६ महीने मन्त्री बनाउन र विपरीत सिद्धान्तका दलसँग पद र सत्ताको लागि गठबन्धन गरी स्वार्थसाधन गर्नु गलत भएको बताए। उनले नेपालका कतिपय दल र नेता निर्वस्त्र मैदानमा देखिनु देश, जनता र लोकतन्त्रको लागि अत्यन्त घातक भएको टिप्पणी गरेका हुन् ।

‘अमुक व्यक्तिहरूलाई पालैपालो ६ महीने मन्त्री बनाउन र विपरीत सिद्धान्तका दलसँग पद र सत्ताको लागि गठबन्धन गरी स्वार्थसाधन गर्न नेपालका कतिपय दल र नेता निरवस्त्र मैदानमा देखिनु देश, जनता र लोकतन्त्रको लागि अत्यन्त घातक हो,’ रावलले लेखेका छन्, ‘देश र जनताको निस्वार्थ सेवाको राजनीति व्यवहारमा देखिनु पर्छ।’