अफगानिस्तानविरुद्ध नेपालको ब्याटिङ संघर्षरत, ५० रन पूरा

नेपालभ्युज

काठमाडौं। आइसीसी यू–१९ विश्वकप क्रिकेटमा अफगानिस्तानविरुद्ध नेपाली टोलीले ५० रन पूरा गरेको छ।

दक्षिण अफ्रिकास्थित बफलो पार्कमा जारी खेलमा नेपालले १३.१ ओभरमा ३ विकेटको क्षतिमा ५० रनको आँकडा पूरा गरेको हो।

नेपालले पहिलो ८.१ ओभरमा नै ३ विकेट गुमाएको थियो। नेपालका लागि अर्जुन कुमालले १०, गुल्सन झाले २ र विपिन रावलले १ रनमात्र बनाउन सके । अहिले नेपालका देव खनाल र आकाश त्रिपाठीले ब्याटिङ सम्हाली रहेका छन्।

अफगानिस्तानका लागि खलिल अहमदले २ र फरिदून डावूडजाईले १ विकेट लिए। १४६ रनको लक्ष्यमा नेपालले जवाफी ब्याटिङ गरिरहेको छ। नेपालले १७ ओभरको समाप्तीमा ३ विकेटको क्षतिमा ५६ रन बनाएको छ।