इलाम-२ : अन्तिम चरणमा मतगणना, सुहाङलाई ६ हजार ६२८ मतको अग्रता

नेपालभ्युज

काठमाडौं ।प्रतिनिधिसभाका लागि इलाम क्षेत्र नम्बर २ मा शनिबार भएको उपनिर्वाचनको मतगणना अन्तिम चरणमा पुगेको छ ।

पछिल्लो मतपरिणाम अनुसार नेकपा एमालेका सुहाङ नेम्वाङले ६ हजार ६२८ मतको अग्रता बनाएका छन् ।

सुहाङले २१ हजार ३८० मत पाउँदा उनलाई पछ्याइरहेका कांग्रेसका उम्मेदवार डम्बर बहादुर खड्काले १४ हजार ७५२ मत पाएका छन् ।

तेस्रो स्थानमा रहेका स्वतन्त्र उम्मेदवार डकेन्द्रसिंह थेगिमले ९ हजार ९५५ मत ल्याउँदा रास्वपा उम्मेदवार मिलन लिम्बूले ३ हजार ६०३ मत मात्रै पाएका छन् ।

सो क्षेत्रमा पर्ने ४२ मध्ये ३३ वडाको मतगणना भइसकेको निर्वाचन अधिकृतको कार्यालयले जनाएको छ । अब इलाम नगरपालिकाको ९ वटा वडाको मत परिणाम आउन बाँकी रहेको बताइएको छ ।