काभ्रेमा रुखमा तारले बाँधेर जलाएको अवस्थामा मृत भेटिएका व्यक्तिको पहिचान खुल्यो

नेपालभ्युज

काभ्रेमा रुखमा तारले बाँधेर जलाएको अवस्थामा मृत भेटिएका व्यक्तिको पहिचान खुल्यो

काठमाडौं । काभ्रेमा रूखमा बाँधेर जलाएको अवस्थामा मृत भेटिएका व्यक्तिको पहिचान खुलेको छ ।

ती व्यक्ति दोलखाको भीमेश्वर नगरपालिका–६ चरिकोट घर भएका विष्णुप्रसाद सुवेदी भएको जिल्ला प्रहरी कार्यालय काभ्रेका डीएसपी राजकुमार श्रेष्ठले जानकारी दिए ।

वैशाख २८ गते पाँचखाल नगरपालिका-४ मा अवस्थित फेदी र जिरोकिलो सडकबाट अन्दाजी ५० मिटर जति तल बिराजे खोल्चामा सुवेदी मृत अवस्थामा भेटिएका थिए ।

मुख र छातीमा फलामको तारले रूखमा बाँधेर आगो लगाएको अवस्थामा मृत अवस्थामा भेटिएको थियो ।

उनको ललितपुरमा समेत घर छ । प्रहरीका अनुसार उनी वैशाख २३ मा दोलखा हिँडेका थिए ।

सुवेदीले फोन भने घरमै छोडेका थिए । विना फोन जिरो किलो पुगेका उनले अन्य व्यक्तिको फोनबाट वैशाख २८ गते घर आउँदैछु भनेर परिवारका सदस्यलाई जानकारी दिएका थिए ।

तर, सो दिन सुवेदी घर नआएपछि खोजी सुरू भएको थियो ।

हत्या रहस्यमय देखिएको र घटनामा संलग्नबारे अनुसन्धान भइरहेको डीएसपी श्रेष्ठले जानकारी दिए ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved