काठमाडौं। नेपाल प्रो क्लब च्याम्पियनसिप टी–२० क्रिकेटमा नेपाल आर्मी क्लबले वन्डर्स क्लब नोएडालाई पराजित गरेको छ।
वीरगंजस्थित नारायणी क्रिकेट मैदानमा शुक्रबार भएको खेलमा आर्मीले नोएडालाई ६ विकेटले पराजित गरेको हो।
१०० रनको लक्ष्य आर्मीले १३.१ ओभरमा ४ विकेटको क्षतिमा पूरा गर्यो। आर्मीका लागि कुशल मल्लले ३५ बलमा २ चौका र ३ छक्का प्रहार गर्दै ४१ रन बनाए। सन्तोश कार्कीले २३ बलमा ३ चौका र २ छक्का प्रहार गर्दै ३७ रन बनाए। नौइडाका लागि रितिक वत्सले ३ विकेट लिए।
पहिले ब्याटिङ गरेको नोइडाले पूरै ओभर खेलेर ८ विकेटको क्षतिमा ९९ रन बनायो। नोइडाको लागि रितिक अरोरा र हर्शीत शेगीले २०–२० रन जोडे। आर्मीका लागि शाहब आलमले ४ तथा बसिर अहमद, कुशल मल्ल र सोमपाल कामीले १–१ विकेट लिए।
यसपछि एपीएफ क्लब र उत्तर प्रदेश एक्स आई सवा १ बजे आमने सामने हुनेछन्।
प्रतियोगितामा उत्तर प्रदेश, पर्सा, वान्डर्स क्लब, नोएडा र ३ विभागीय टोलीको सहभागिता छ।
Facebook Comment
Comment