विराटनगर। मोरङको पथरीशनिश्चरे–१ मा स्थापित काजीमान कन्दङ्वा स्मृति कोषले नेपाली भाषा, साहित्यका अग्रज प्राध्यापक डाक्टर गोविन्दराज भट्टराईसहित तीन जना स्रष्टालाई सम्मान गरेको छ । कोषले भट्टराईलाई १ लाख रुपैयाँ नगदसहित ‘सि.एम. कन्दङ्वा विशिष्ट राष्ट्रिय प्रतिभा सम्मान—२०७९’ प्रदान गरेको हो ।
कार्यक्रमको प्रमुख अतिथि नेपाल प्रज्ञा प्रतिष्ठानको कुलपति भूपाल राईले भट्टराईलाई सम्मानित गरेका हुन् । कार्यक्रममा दार्जिलिङ भारतमा जन्मिएर नेपालमा साङ्गीतिक क्षेत्रमा लाग्दै आएका अनिल फागो लिम्बूलाई ५१ हजार नगदसहित ‘सि.एम. कन्दङ्वा युवा राष्ट्रिय प्रतिभा सम्मान—२०७९’बाट सम्मानित गरियो ।
त्यसै गरी मोरङको पथरीशनिश्चरेका पत्रकार अर्जुन जम्नेली राईलाई ११ हजारसहित ‘सुशीला कन्दङ्वा पत्रकारिता राष्ट्रिय सम्मान—२०७९’द्वारा सम्मानित गरिएको छ ।
झापा दमक १ स्थायी बसोबास भएका सम्मानित गोविन्दराज भट्टराईका ६५ भन्दा बढी कृतिहरू प्रकाशित छन् ।
यसैगरी, सङ्गीत विधानमा सम्मानित अनिल फागो लामो समयदेखि झापा र मोरङको विभिन्न विद्यालयहरुमा सङ्गीत विद्या सिकाउँदै आएका छन् ।
Facebook Comment
Comment