२७५ करोड भारुमा नेटफ्लिक्सले किन्यो ‘पुष्पा २’ को ओटीटी राइट, रिलिज नभइ कमायो १२ सय करोड

काठमाडौं । अल्लु अर्जुन स्टारर आगामी फिल्म ‘पुष्पा २ : द रुल’ले प्रि–रिलिजको समयमा १२ सय करोड कमाइ गरेको छ ।

१५ अगस्ट २०२४ मा रिलिज हुन लागेको ‘पुष्पा २’ को प्रि–रिलिज कलेक्सनको बारेमा जानकारी बाहिर आइरहेका छन् । फिल्मको हिन्दी डब संस्करणका लागि वितरण राइट २०० करोड भारुमा बिक्री भएको समाचार गत साता आएको थियो ।

निर्माताले दक्षिण भारतमा २७० करोड भारुमा वितरण राइट बिक्री गरेका छन् । अर्थात् रिलिज हुनुअघि नै कुल ५७० करोड भारुको सम्झौता भइसकेको छ ।

यसबाहेक, फिल्मको स्ट्रिमिङ राइट २७५ करोड भारुमा बिक्री भएको जनाइएको छ । ओटीटी प्लाटफर्म नेटफ्लिक्सले फिल्मको ओटीटी राइट खरिद गरेको जनाइएको छ ।
यससँगै अडियो र स्याटलाइट राइट्सको डिलको बारेमा पनि जानकारी दिइएको छ र निर्माताले ४५० करोड रुपैयाँ भारु कमाएको बताइएको छ ।

अभिनेता अल्लु अर्जुनले पारिश्रमिकमा धेरै गरेका छन् । यसअघि उनले १०० करोड भारु लिने गर्थे । अहिले पारिश्रमिक बढाएर १५० करोड भारु पु¥याएको बताइएको छ ।