एजेन्सी। लेजेन्ड्स क्रिकेट लिगमा एसिया लायन्सले वर्ल्ड जायन्ट्सलाई ३५ रनले हराएको छ ।
नेपाली क्रिकेट टोलीका पूर्व कप्तान पारस खड्का सम्मिलित एसिया लायन्स लगातार दोस्रो जितपछि शीर्ष स्थानमा कायमै छ । कतारमा एसिया लायन्सले दिएको १ सय रनको विजयी लक्ष्य पछ्याएको जायन्ट्स निर्धारित १० ओभरमा ५ विकेट गुमाउँदै ६४ रनमै सिमित भयो । उसका लागि क्रिस गेलले १६ बलमा ३ छक्कासहित सर्वाधिक २३ रन बनाए ।
एसियाका लागि कप्तान शाहिद र बलर अब्दुर रजाकले २/२ विकेट लिए । सोहेल तनविरले एक विकेट लिए ।
त्यसअघि टस हारेर पहिला ब्याटिङको निम्तो पाएको एसियाले निर्धारित १० ओभरमा ३ विकेट गुमाउँदै ९९ रन बनायो । लायन्सका मिस्बाह उल हक १९ बलमा ४ चौका र ३ छक्कासहित ४४ रनमा नटआउट रहे ।
तिलकरत्ने दिलशान २४ बलमा ३ चौका र १ छक्कासहित ३२ रनमा अविजित रहे । नेपालका पूर्व कप्तान पारस खड्का टोलीको प्लेइङ ११ मा परेपनि ब्याटिङ र बलिङ गर्ने अवसर भने पाएनन् ।
एसिया लायन्सले पहिलो खेलमा इन्डिया महाराजसलाई ९ रनले हराएको थियो ।
Facebook Comment
Comment