काठमाडौं । सर्वोच्च अदालत परिसरमा हतियार लिएर प्रवेश गरेका दुर्गा प्रसाईंका बडीगार्ड माओवादी पूर्वलडाकु रहेको खुलेको छ । दीपक खड्का नाम गरेका उनी झापाको बुद्धशान्ति गाउँपालिका ३ का हुन् ।
उनी पहिला माओवादी सशस्त्र द्वन्द्वमा लडाकु थिए । दुर्गा प्रसाईं पनि कुनै बेला माओवादीमै थिए । तर, खड्का पछि मात्रै प्रसाईंसँग जोडिएका हुन् ।
मेडिकल व्यवसायीसमेत रहेका प्रसाईं पछिल्लो समय सामाजिक सञ्जालमा अन्टसन्ट बोलेर भाइरल छन् ।
उनी जहाँ जान्छन्, निजी सुरक्षा गार्ड र गाडीको लावालस्करसहित रवाफ देखाउँदै जाने गर्छन् । खड्का दुर्गा प्रसाईंको सुरक्षा गार्डका रूपमा काम गर्दै आएका थिए ।
खड्काको साथमा पक्राउ पर्ने रामकुमार धिमालको पूरा परिचय भने खुलिसकेको छैन । खड्काको साथबाट जीएसजी ५ जर्मन सेमि-अटोमेटेड हतियार बरामद भएको अधिकारीले जानकारी दिए । यस्तै त्यसमा लाग्ने १०० थान गोली बरामद भएको छ ।
दुर्गा प्रसाईंका बडीगार्ड हतियारसहित पक्राउ
Facebook Comment
Comment