ललितपुरको एक घरमा अचेत फेला परेका दुई बच्चाको मृत्यु

नेपालभ्युज

काठमाडौं । ललितपुरको महालक्ष्मी नगरपालिका-४ इमाडोलस्थित एक घरमा अचेत अवस्थामा फेला परेका दुई बच्चाको मृत्यु भएको छ।

शनिबार अपराह्न अचेत अवस्थामा फेला परेका उनीहरुको मृत्यु भएको जिल्ला प्रहरी परिसर ललितपुरले जनाएको छ ।

ललितपुरका एसएसपी शेखर खनालका अनुसार मृत्यु हुनेमा ६ वर्षीय बालक र दुई वर्षीया बालिका हुन् । उनीहरुको मृत्यु के कारणले भएको भन्ने खुलिनसकेको प्रहरीले जनाएको छ ।

अस्पताल लगिएका उनीहरुलाई चिकित्सकले मृत घोषणा गरेका थिए । प्रहरीले घटनाबारे थप अनुसन्धान अघि बढाएको जनाएको छ।