सुदूरपश्चिम बागमतीसँग ९७ रनले पराजित

काठमाडौं। बागमती प्रदेशसँग ९७ रनले पराजित भएपछि सुदूरपश्चिम प्रदेशले प्रधानमन्त्री कप क्रिकेटको शीर्ष स्थानमा उक्लने मौका गुमाएको छ ।

मुलपानी क्रिकेट मैदानमा बागमतीले दिएको २४८ रनको लक्ष्य पछ्याएको सुदूरपश्चिम ३०.३ ओभरमा मात्र १५० रनमा समेटियो । सुदूरपश्चिमको ६ खेलबाट ८ अंक छ । जितपछि बागमतीको भने ८ खेलबाट १० अंक भएको छ । उसले अपराजित नेपाल पुलिस क्लबसँग अंक बराबरी गरेको छ । हारपछि सुदूरपश्चिम एकैपटक पाँचौं स्थानमा झरेको छ ।

बागमतीले दिएको २४८ रनको लक्ष्य पछ्याउने क्रममा नरेन भट्ट र किरण ठगुन्नाले समान ४१-४१ रन बनाए पनि हार भने टार्न सकेनन् । ८ जना ब्याटरले दोहोरो अंक छुन नसकेको सुदूरपश्चिमको इनिङ्समा खडक बोहोराले २१ रन जोडे ।

बागमतीलाई सस्तैमा समेट्ने क्रममा सूर्य तामाङ र विपिन आचार्यले समान ३-३ तथा रिजन ढकाल, कृजन गुरुङ र सोनु देवकोटाले १-१ विकेट झारे ।

यसअघि सुदूरले टस जितेर फिल्डिङ रोजेपछि पहिला ब्याटिङ गरेको बागमतीले निर्धारित ओभरमा ९ विकेट गुमाएर २४७ रनको योगफल तयार पारेको थियो । आशुतोष घिरैयाले ५४, क्याप्टेन रित गौतमले ४४ र अशोक पौडेलले ३१ रन बनाएपछि बागमती सम्मानजनक योगफल तयार पार्न सफल भएको थियो ।

नारायण जोशी र शेर मल्लले ३३, विकाश आग्रीले २ तथा मिलन बोहोराले १ विकेट लिएका थिए ।