उत्तर प्रदेशमाथि एपीएफको जित

नेपालभ्युज

काठमाडौं। नेपाल प्रो क्लब टी–२० क्रिकेट प्रतियोगितामा एपीएफ क्लबले सुखद सुरुवात गरेको छ।

वीरगंजस्थित नारायणी क्रिकेट मैदानमा शुक्रबार भएको खेलमा एपीएफले उत्तर प्रदेशलाई ८ रनले पराजित गरेको हो।

१०२ रनको लक्ष्यमा जवाफी ब्याटिङ गरेको उत्तर प्रदेशले पूरै ओभर खेलेर ४ विकेटको क्षतिमा ९३ रन बनायो। उत्तर प्रदेशका लागि निखिल प्रतापले ४१ र मन्थन प्रसादले अविजित ३९ रन बनाए। एपीएफका लागि अमर रौतेलाले २ र नारायण जोशीले १ विकेट लिए।

पहिले ब्याटिङ गरेको एपीएफ १९ ओभरमा १०१ रनमा अलआउट भयो। एपीएफका लागि हरिशंकर शाहले ३४ र लोकेश बमले १५ रन बनाए। उत्तर प्रदेशका तरुण कुमारले १६ रन खर्चेर ५ विकेट लिए। उनले १८ ओभरमा ४ विकेट लिए।

उत्तर प्रदेशको भने यो लगातार दोस्रो पराजय हो। बिहीबार उत्तर प्रदेश पर्सासँग १ विकेटले पराजित भएको थियो।