काठमाडौं। अभिनेता सानु ताम्राकारको ७४ वर्षको उमेरमा निधन भएको छ। शनिबार दिउँसो ३ः२० बजे नर्भिक अस्पतालमा उपचारको क्रममा उनको निधन भएको चलचित्र कलाकार संघका अध्यक्ष मोहन निरौलाले जानकारी दिए ।
विसं २००६ सालमा जन्मिएका सानुले ‘मोहनी’, ‘आँधी तुफान’, ‘छोरो’, ‘वासुदेव’, ‘जिन्दगी’, ‘दशगजा’लगायत दर्जनौं चलचित्र, टेलिचलचित्र तथा भिडियोहरूमा अभिनय गरिसकेका छन् ।
चलचित्रमा अभिनय गरेका छन् । टेलिचलचित्रमा समेत काम गरेका उनी चलचित्र कलाकार संघमा पनि लामो समय आवद्ध थिए । उनले संघको कार्यवहाक अध्यक्षको जिम्मेवारीसमेत सम्हालेका थिए । उनी नृत्यका कुसल प्रशिक्षकसमेत थिए ।
उनी २८ दिनदेखि मिर्गौलासम्बन्धी समस्याको उपचार गराइरहेका थिए ।
गत असार २१ गते छोरा सारुकको निधन भएपछि पुत्र वियोगले चिन्तित रहेका ताम्राकार मिर्गौलाको उपचार गर्दागर्दै थप कमजोर भएका थिए ।
ताम्राकारको पार्थिव शरीरलाई आइतबार पशुपति आर्यघाटमा दाहसंस्कार गर्ने तयारी रहेको अध्यक्ष निरौलाले जनाए ।
Facebook Comment
Comment