आगामी चुनावमा उम्मेदवार नबन्ने सभामुख सापकोटाको घोषणा

नेपालभ्युज

काठमाडौं । सभामुख अग्निप्रसाद सापकोटाले आगामी चुनावमा उम्मेदवार नहुने घोषणा गरेका छन् ।

सिंहदरबारस्थित संसद सचिवालयमा शनिबार पत्रकार सम्मेलन गरेर सभामुख सापकोटाले प्रतिनिधिसभा चुनाव नलड्ने घोषणा गरेका हुन् ।

युवाहरुलाई अघि बढाउन आफूले चुनाव नलड्ने निर्णय गरेको पनि उनले बताए । सापकोटाले भने, ‘मंसिर ४ को चुनाव म लड्दिन, युवाहरुलाई अघि बढाउन मैले सहयोग गर्छु ।’

उनलाई माओवादी केन्द्रले सिन्धुपाल्चोक १ बाट उम्मेदवार बनाउने तयारी गरेको थियो । यसअघि नेपाल समाजवादी पार्टीका अध्यक्ष डा. बाबुराम भट्टराईले पनि युवालाई अघि बढाउन आफूले चुनाव नलड्ने घोषणा गरेका थिए ।

सभामुख सापकोटाले सक्रिय राजनीतिमा भने रहिरहने बताए । उनी २०६४, २०७० र २०७४ को चुनावमा सिन्धुपाल्चोकबाट निर्वाचित भएका थिए ।