पुरूषभन्दा अब्बल छन् कर्मशील महिला (फोटो फिचर)

केही दशकअघिसम्म चुलोचौको र घरधन्दामा सीमित हुन्थे- महिला। सामाजिक, आर्थिक, राजनीतिक र व्यावसायिक सबै क्षेत्रमा पुरुषको एकाधिकार थियो।

प्रजातन्त्रपछि कानूनी हिसाबले महिला-पुरुष समान भए। त्यसपछि महिलाले सामाजिक, आर्थिक, राजनीतिक र व्यावसायिक सबै क्षेत्रमा समानताको दाबी गर्न थाले तर व्यावहारमा भने अझै समान हुन बाँकी छ तर पनि महिलाले विभिन्न क्षेत्रमा आफूलाई स्थापित गरेका छन्।  राम्रो पकड पनि हासिल गरेका छन्।

जीविकोपार्जनको लागि पति र परिवारका अन्य सदस्यसँग निर्भर हुने महिला केही दशकको अन्तरालमा आफैँ परिवार र समाजलाई डोहोर्‍याउन थालेका छन्। यस्तो कुनै क्षेत्र छैन, जहाँ महिलाले नेतृत्व नगरेको होस्।

सफल उद्यमी, राजनीतिज्ञ, स्वास्थ्यकर्मी, कर्मचारी तथा स्वास्थ्यकर्मीलगायत आ–आफ्नो परिचय बनाएका  केही प्रतिनिधि महिलाहरूलाई हामीले समेटेका छाैँ– ११२ औँ अन्तर्राष्ट्रिय महिला दिवसको सन्दर्भमा। बेग्लाबेग्लै क्षेत्रमा काम गरिरहेका भए पनि नारी–पुरुषबीच समाजमा व्याप्त असमानाबारे समान दृष्टिकोण छ– समाजको पुरुषप्रधान चरित्र फेरिनुपर्छ र महिलाले पनि पुरुषसरह समान अधिकार पाउनुपर्छ।