मेलिनाको ‘फूलहरू मगमग’ गीतमा सृजनको अभिनय (भिडिओ)

काठमाडौं। गायिका मेलिना राईको स्वर रहेको फूलहरू मगमगको म्युजिक भिडिओ सार्वजनिक भएको छ। बेलायतका रमणीय स्थानहरूमा छायाङ्कन गरिएको भिडिओमा सुन्दरी मोडल तथा भ्लगर सृजना निङ्लेखुको बेजोड अभिनय देख्न सकिन्छ। सार्वजनिक भिडिओमा गज्जबसँग खुलेकी सुन्दरी सृजनाले आफूलाई प्रकृतिसँग तुलना गर्दै आफ्नो सुन्दरताको वर्णन आफै र आफ्नो भावना प्रकृतिसँग पोखेकी छिन्।

कन्चन थलङ लिम्बुको शब्द तथा सङ्गीत रहेको गीतको भिडिओलाई एक दशक भन्दा लामो समयदेखि बेलायतमा रहँदै आएका सञ्चारकर्मी एवं निर्देशक कुशल श्रेष्ठले निर्देशन गरेका हुन् भने भिडिओमा निर्देशक श्रेष्ठकै छायाङ्कन र सम्पादन रहेको छ। प्रवासबाट सर्वाधिक धेरै र स्तरीय भिडिओ निर्माण गर्ने निर्देशकको परिचय बनाएका निर्देशक कुशलले अन्य थुप्रै समुदायका भिडिओ एवं चलचित्र समेत छायाङ्कन गरेका छन्।

भिडिओ मोडल सृजनाको आफ्नै युट्युब च्यानल सृजना निङ्लेखुबाट सार्वजनिक गरिएको छ।

कलाकारितामा १ दशक बढी समय बिताइसकेकी सृजनाले कल्चरल म्युजिक भिडिओबाट कलाकारिता यात्रा सुरु गरेकी हुन्। उनले रङ्गकर्मी तथा अभिनेता अनुप बरालसँग अभिनय कला सिकेका कारण अनुपलाई गुरु मान्छिन्।

रेडियो, टेलिभिजन कार्यक्रम प्रस्तोताको लामो अनुभव बटुली सकेकी सृजनालाई थिएटर, रङ्गमञ्च, भ्लग हुँदै व्यवसायसम्मको अनुभव छ। बहुआयामिक प्रतिभाकी धनी सृजना आफ्नो व्यस्त दैनिकीका बाबजुद पनि गीत सङ्गीत कर्मबाट निकै खुशी छिन्।