काठमाडौं । ६० वर्षको उमेरमा वकिल तथा पत्रकार एलेजान्ड्रा मारिसा रोड्रिग्वेजले मिस युनिभर्स ब्यूनस आयर्सको ताज जितेकी छन् ।
ताज पहिरिएपछि उनले भनिन्, ‘म यो सुरूवात गर्ने पहिलो पुस्ताबाट हुँ ।’
रोड्रिग्वेजले ६० वर्षको उमेरमा मिस युनिभर्स ब्युनस आयर्सको उपाधि जितेर इतिहास रचेकी छिन् । यसअघि कसैले पनि उक्त उमेरमा उपाधि जितेको थिएन ।
रोड्रिग्वेजले भनिन्, ‘म सौन्दर्य प्रतियोगितामा नयाँ युगको प्रतिनिधित्व गर्न पाउँदा उत्साहित छु । आज हामी एक नयाँ सुरूवात गर्दैछौं, जहाँ महिलाहरू अब शारीरिक सौन्दर्यमा मात्र सीमित छैनन्।’
रोड्रिग्वेजले आफ्नो भावी योजनाको बारेमा बताउदै भनिन्, ‘मिस युनिभर्स अर्जेन्टिना २०२४ मा सहभागी हुन पाउँदा म उत्साहित छु।’
यसअघि १८ देखि २८ वर्षसम्मका महिलाले मात्रै यस प्रतियोगितामा भाग लिन पाउँथे ।
सन् २०२३ सेप्टेम्बरमा मिस युनिभर्स संगठनले प्रतियोगिताहरूमा भाग लिनको लागि उमेर सीमा हटाएको थियो ।
Facebook Comment
Comment