काठमाडौं । बलिउड अभिनेत्री करीना कपूर साउथ फिल्मका अभिनेता यश स्टारर फिल्म ‘टक्सिक’बाट कन्नड सिनेमामा डेब्यु गर्न लागेकी थिइन् ।
तर, उनले आफ्नो व्यस्तताका कारण फिल्म छाडेकी छन् । अब करिनाको ठाउँमा फिल्ममा साउथकी लेडी सुपरस्टार नयनतारालाई लिइएको छ ।
पिङ्कभिलाको रिपोर्टमा फिल्म टक्सिकका निर्देशक गीतु मोहनदास र यशले पछिल्लो हप्तामा नयनतारासँग पटकपटक भेटघाट गरेको उल्लेख छ ।
नयनताराले फिल्म ‘टक्सिक’ गर्न चासो देखाएको र अहिले लजिस्टिकको काम भइरहेको उल्लेख छ ।
फिल्ममा यशकी बहिनीको क्यारेक्टरको पटकथा निकै राम्रोसँग बनाइएको छ र त्यो बलियो भूमिकाले नयनताराको छविसँग राम्रोसँग मेल खान्छ ।
नयनताराले गत वर्ष फिल्म जवानबाट बलिउडमा डेब्यु गरेकी थिइन्, त्यसपछि उनको पान इन्डिया छवि विकसित भएको छ ।
यसअघि नयनतारा कन्नड फिल्म सुपर (२०१०) मा देखिएकी थिइन् । नयनताराले यो फिल्म गरे भने यो उनको दोस्रो कन्नड फिल्म हुनेछ ।
Facebook Comment
Comment