सन् २०२४ मा बलिउडमा आउँदैछन् यस्ता फिल्म

एजेन्सी । सन् २०२४ मा बलिउडमा रमाइला फिल्म आउँदैछन् । जसमध्ये केही फिल्म त्यस्ता छन्, जसको बारेमा थाहा पाएर तपाईंलाई पनि हेर्ने पर्खाइ रहनेछ ।

फिल्म ‘मिस्टर एन्ड मिसेज माही’ ३१ मईमा रिलिज हुँदैछ । जसमा राजकुमार राव र जान्हवी कपुरले प्रमुख भूमिका निर्वाह गरेका छन् ।

त्यस्तै, अर्को फिल्म ‘चन्दु च्याम्पिएन’ जुन १४ मा सिनेमाघरहरूमा आउँदैछ । जसमा कार्तिक आर्यनले आफ्नो दमदार प्रस्तुति दिएका छन् ।

अजय देवगनको चर्चित फिल्म सिंघमको अर्को भाग पनि यो वर्ष रिलिज हुँदैछ । फिल्म ‘सिंघम अगेन’ १५ अगस्तमा रिलिज हुँदैछ ।

त्यस्तै, फिल्म स्त्रीको पनि दोस्रो भाग स्त्री दुई ३० अगस्तमा रिलिज हुँदैछ । जसमा वरूण धवन, श्रद्धा कपूर र कृति सेनन देखिनेछन् ।

त्यस्तै अक्षय कुमारका प्रसशंकहरूका लागि पनि खुशीको खबर छ । यो वर्ष अक्षय कुमारको फिल्म ‘स्काई फोर्स’ र ‘वेलकम टु जंगल’ पनि सिनेमाघरहरूमा रिलिज हुँदैछ ।

त्यस्तै अन्य फिल्महरूमा भूल भुलैया ३, रेड २, मेट्रो इन दिनों, जिगरा पनि पर्दछन् । जो यही वर्ष २०२४ मा रिलिज हुनेछन् ।