काठमाडौं । कोशी प्रदेश सरकारले आगामी जेठ ११ गते अधिवेशन बोलाउन सिफारिस गरेको छ।
मुख्यमन्त्री केदार कार्कीले जेठ ११ गते बिहान ११ बजे प्रदेश अधिवेशन बोलाउन प्रदेश प्रमुख परशुराम खापुङ्गसमक्ष सिफारिस गरेका हुन् ।
प्रदेशको मुख्यमन्त्रीमा नेकपा एमालेका नेता हिक्मतकुमार कार्कीले दाबी पेस गरेपछि झण्डै डेढ महिनापछि बस्नेगरी मुख्यमन्त्री कार्कीले प्रदेशसभा बैठक बोलाएका हुन् ।
सोमबार माओवादी केन्द्र र एमालेका ५३ सांसदको हस्ताक्षरसहित हिक्मतले मुख्यमन्त्रीमा दाबी पेसका गरेका छन् ।
हिक्मतलाई मुख्यमन्त्री बनाउन एमालेका ४० र माओवादीका १३ सांसदले हस्ताक्षर गरेका छन् ।
कोशीमा सरकार गठनका लागि ४७ सांसद चाहिन्छ । एमाले र माओवादीले मुख्यमन्त्री कार्कीमाथिको समर्थन फिर्ता लिएपछि सरकार अल्पमतमा परेको छ ।
आजै नेकपा एमाले र माओवादी केन्द्रले मुख्यमन्त्री कार्कीलाई दिएको समर्थन फिर्ता लिएका थिए ।
Facebook Comment
Comment