काठमाडौं । पछिल्लो समय मेला महोत्सवमा ‘भाइरल’ बन्ने नाममा युवा-युवती झुम्मिएर रेलिङ्ग र बार भत्काउनेगरी अभिनय गर्दै आएको ‘धोकेबाज हौ तिमी’ गीतका बारेमा गायक शिव परियारले मुख खोलेका छन् ।
उनले मंगलबार फेसबूकमार्फत एक विज्ञप्ति जारी गर्दै ‘पछिल्लो समय मिडियामा आएका बनिबनाउ प्रहारपूर्ण समाचारका सम्बन्धमा मेरो आधिकारिक विचार’ भन्दै गायक परियारले मुख खोलेका हुन् ।
‘पहिला कसले गाएको ? पछि कसले गाएको ? भन्ने बनिबनाउ कन्ट्रोभर्सी खबरबाट मेरा सबैजना प्रिय शुभचिन्तकहरू कृपया सावधान र सतर्क रहिदिन अनुरोध गर्दछु । धोकेबाज हौ तिमी गीत यस गीतका आधिकारिक श्रष्टा सङ्गीतकार सुवास कार्कीजीले आधिकारिकरूपमा मेल, फिमेल र चाईल्ड तीनवटै भर्सनमा यो गीत बजारमा अफिसियल रेकर्डिङ्ग र प्रकाशन गर्नुभएको हो । यसमा स्वर दिने कुनै पनि गायक-गायिकाले यो गीत मेरो मात्र हो, अरुको होइन भन्ने अभिव्यक्ति कतै लेखेको वा दिएको अवस्था पनि छैन । र, चोरी-चकारी वा कभर गरेर हामी कसैले गाएको पनि हैनौँ,’ गायक परियारले लेखेका छन् ।
उनले मेल, फिमेल र चाईल्ड भर्सन गाउने सबै गायक-गायिका सबै आधिकारिक भएको उनले बताएका छन् ।
उनले यसमा विवाद गर्नुपर्ने कुनै कुनै कारण नभएको बताएका छन् । उनले अगाडि भनेका छन्, ‘म आधिकारिकरूपमा स्पष्ट पार्दछु कि यति सहज, सरल र विषयमा कुरा बुझेर पनि र जानेर पनि बुझ पचाएर प्रहार गर्ने उद्देश्यले यो अप्राकृतिक कन्ट्रोभर्सी आकर्षित देखिन्छ ।’
Facebook Comment
Comment