काठमाडौंमा यस वर्षकै धेरै चिसो, न्युनतम तापक्रम साढे सात डिग्रीमा झर्यो

नेपालभ्युज

काठमाडौं । काठमाडौंमा विहीबार यस वर्षकै धेरै चिसो मापन गरिएको छ । काठमाडौंकाे बिहान पौने ६ बजेको न्यूनतम तापक्रम ७ दशमलव ५ डिग्री सेल्सियस रहेको मौसमविद् हिरा भट्टराईले बताएका छन् ।

देशका अन्य ठाउँमा पनि न्यूनतम तापक्रम घट्न थालेको छ । चिसो बढ्दै गएकाले न्यूनतम तापक्रम घट्न थालेको हो । मौसममा असर पार्ने प्रणाली नभए पनि जाडोयाम सुरु भइसकेकाले चिसो बढेको हो । देशभर नै बिहान र बेलुका चिसो धेरै छ । दिउँसो भने पारिलो घाम लाग्ने गरेकाले न्यानो छ ।