कतारबाट फर्केका युवालाई अपहरण गरी सिनामंगलमा बन्धक, ४ लाख फिरौती माग्ने २ अपहरणकारी पक्राउ

अपराध अनुसन्धान कार्यालयले गरेको अपरेसनको क्रममा सप्तरीका सिकेन्द्र यादव बन्धक बनाएको अवस्थामा सिनामंगलमा फेला परेका थिए । उनी कतारबाट आएका थिए ।

नेपालभ्युज

काठमाडौं । कतारबाट फर्केका एक युवकलाई अपहरण गरी बन्धक बनाएको अवस्थामा उपत्यका अपराध अनुसन्धान कार्यालयले उद्दार गरेको छ ।

अपराध अनुसन्धान कार्यालयका प्रमुखमा सरुवा भएर आई हाजिर गरेको दिन एसएसपी सानुराम भट्टराईको नेतृत्वले घटनामा संलग्न २ जनालाई पक्राउ गरेको छ ।

प्रहरीले सिकेन्द्रलाई बन्धक बनाएको आरोपमा अजिम अली र एमडी सहनीलाई उपत्यका अपराध अनुसन्धान कार्यालयको टोलीले पक्राउ गरेको हो ।

उनीहरुले सिकेन्द्रलाई ४ लाख ८० हजार रुपैयाँ माग गर्दै एउटा कोठामा बाँधेर राखेको पाइएको उपत्यका अपराध अनुसन्धान कार्यालयका प्रमुख एसएसपी भट्टराईले जानकारी दिए ।