ओली–महन्थ छलफल : होला त एमाले–लोसपाबीच तालमेल ?

काठमाडौं। नेकपा एमालेका अध्यक्ष केपी शर्मा ओली र लोकतान्त्रिक समाजवादी पार्टी (लोसपा) अध्यक्ष महन्थ ठाकुरसँग छलफल गरेका छन् । दुई पक्षबीच  तालमेलबारे कुरा भएको हो ।

एक नेताका अनुसार  एमालेले लोसपालाई केही सातायता नै सहकार्यबारे आफ्नो तयारी गर्न प्रस्ताव पठाएको थियो । तर, ठाकुर अनिर्णित थिए ।

जसपा हालको सत्ता गठबन्धनसँग मधेसमा लोसपाका मुख्य क्षेत्रीय प्रतिद्वन्द्वी चुनावी तालमेल टुंगो लगाउने तयारी भए पनि लोसपाले समयमा निर्णय नलिएको भन्दै दोस्रो तहका नेताहरूले ठाकुरलाई दबाब बढाएका छन् ।

मधेस प्रदेशमा रहेका ३२ प्रतिनिधिसभा निर्वाचन क्षेत्रमध्ये एमालेले १८ वटा लिने सहमति बन्न सक्ने बताइएको छ ।