झन्डै चारकरोड पर्ने १ किलो कोकिन पेटभित्र हालेर ल्याउने विदेशी महिला ठमेलबाट पक्राउ

बरामद कोकिनको अवैध बजार मूल्य ३ करोड ८५ लाख रुपैयाँ रहेको प्रहरीले जनाएको छ । अन्तर्राष्ट्रिय लागु औषध गिरोहले उनलाई भरियाको रुपमा प्रयोग गरेको प्रहरीको प्रारम्भिक अनुसन्धानले देखाएको छ ।

नेपालभ्युज

झन्डै चारकरोड पर्ने १ किलो कोकिन पेटभित्र हालेर ल्याउने विदेशी महिला ठमेलबाट पक्राउ

काठमाडौं । एक किलो १०१ ग्राम लागु औषध कोकिन निलेर पेटभित्र राखेर नेपाल ल्याउने एक विदेशी महिला पक्राउ परेकी छिन् । पक्राउ पर्नेमा कंगोकी ४९ वर्षीया अपुला एकुत्सु मबोंगो छिन् ।

बरामद कोकिनको अवैध बजार मूल्य ३ करोड ८५ लाख रुपैयाँ रहेको प्रहरीले जनाएको छ । अन्तर्राष्ट्रिय लागु औषध गिरोहले उनलाई भरियाको रुपमा प्रयोग गरेको प्रहरीको प्रारम्भिक अनुसन्धानले देखाएको छ ।

लागु औषध नियन्त्रण ब्युरोको टोलीले उनलाई ठमेलस्थित एक होटलबाट शुक्रबार पक्राउ गरेको हो । उनी ४ जेठमा दुबईबाट त्रिभुवन अन्तर्राष्ट्रिय विमानस्थल ओर्लेकी थिइन् ।

फिल्मजस्तै ‘क्राइम थ्रिलर’ स् चकलेटको खोलमा भित्रिन्छ कोकिन, पत्ता लगाउन विमानस्थलमा छैन मेसिन

त्यो बेलामा पर्याप्त प्रमाण नहुँदा पक्राउ परिनन् । विमानस्थलबाट उनी सिधै ठमेलको एक होटलमा गएकी थिइन् । शंकास्पद र पुर्वसूचनाका आधारमा ब्युरोको टोलीले उनको निगरानी गरिरहेपछि अलि ढिलो पक्राउ गरेको हो ।

पछि बसेको कोठा खानतलासी गरेर प्रहरीले कोकिन बरामद गरेको हो ।

ह्याण्ड ब्यागभित्र प्लाष्टिकले र्याप गरिएको थियो । ८५ थान कोकिनका क्याप्सुल भेटिएको ब्युरोका एसपी तथा प्रवक्ता रामेश्वर कार्कीले बताए ।


Comment

Leave a Reply

Your email address will not be published. Required fields are marked *

थप समाचार

Copyright © 2024 Digital House Nepal Pvt. Ltd. - All rights reserved