यूपीसहित भारतका पाँच राज्यको विधानसभा चुनावको मतगणना शुरु

नेपाल भ्युज

एजेन्सी। उत्तर प्रदेश (यूपी)सहित भारतका पाँच राज्यको विधानसभा निर्वाचनको मतगणना शुरु भएको छ।

उत्तर प्रदेश, उत्तराखण्ड, पञ्जाब, गोवा र मणिपुरमा भएको विधानसभा चुनावको मतदानपछि मतगणना शुरु भएको हो। भारतीय समयअनुसार बिहान ८ बजेदेखि मतगणना शुरु गरिएको हो। मतगणनाका लागि विभिन्न स्थानमा सुरक्षा व्यवस्था कडा पारिएको छ।

यूपीको ४ सय ३ सिटको नतिजा आजै आउनेछ। एक्जिट पोलको अनुमानअनुसार यूपीमा भाजपा सबैभन्दा ठूलो दल बन्ने दाबी गरिएको छ।

एक्जिट पोलले उत्तर प्रदेशमा भाजपाले ४०३ सिट र पञ्जाबमा आम आदमी पार्टीले ११७ सिट जित्ने भविष्यवाणी गरेको छ। यसैगरी ७० सिटको उत्तराखण्ड विधानसभा चुनावको एक्जिट पोलले भाजपा र कांग्रेसबीच कडा टक्कर हुने भविष्यवाणी गरेको छ।

यस्तै ४० सिटको गोवा र ६० सिटको मणिपुर विधानसभाको चुनावी नतिजाको एक्जिट पोलमा पनि बीजेपीलाई ठूलो पार्टीको रूपमा देखाएको छ।