एजेन्सी । भ्यालेन्टाइन सप्ताह चलिरहेको छ । तर बलिउडमा केही त्यस्ता कलाकार छन् जो अहिलेसम्म एक्लै आफ्नो जीवनमा खुशी छन् ।
त्यसो त उनीहरुसँगैका कलाकारहरुका छोराछोरी समेत अहिले बलिउडमा प्रवेश गरिसकेका छन् । तर केही कलाकार भने अझै पनि अविवाहित नै छन् ।
तुषार कपूर
बलिउड अभिनेता तुषार कपूर अहिलेसम्म सिंगल नै छन् । तुषारको भनाई छ उनले विवाह नै नगर्ने फैसला लिइसकेका छन् । उनको जीवनमा एक्लै हुँदा पनि खुशीहरुको कमी नरहेको बताउँछन् ।
अक्षय खन्ना
बलिउड अभिनेता अक्षय खन्ना पनि अहिलेसम्म अविवाहित नै छन् । उनको भनाईंअनुसार उनले वैवाहिक जीवनको कमी महसुस कहिल्यै गर्दैनन् किनकी उनलाई एक्लै जसरी चलिरहेको छ त्यही जीवन प्यारो छ ।
अमीषा पटेल
गदर फिल्मकी अभिनेत्री अमिषा पटेलले पनि विवाह गरेकी छैनन् । उनी अहिलेसम्म आफ्नो सिंगल जीवनमा नै खुशी भएको बताउँछिन् ।
तब्बु
बलिउडकी चर्चित तथा प्रतिभाशाली अभिनेत्री तब्बु पनि अहिलेसम्म अविवाहित नै छन् । तब्बुको विचारमा एउटा खराब पार्टनर भन्दा यही राम्रो हुन्छ कि तपाईं जीवनमा एक्लै रहनुस् ।
सलमान खान
बलिउडका सबैभन्दा मन पराइएका ब्याचलर अभिनेतामा पर्छन् सलमान खान । उनी पनि अब सिंगल नै खुशी भएको वा अविवाहित रहँदा नै खुशी भएको बताउँछन् ।
Facebook Comment
Comment