काठमाडौं । उच्च अदालत पाटनले बालकृष्ण खाणलाई छाड्न आदेश दिए पनि आज भने नछुट्ने भएका छन् । न्यायाधीश कृष्णराम कोइरालाले खाणलाई बिहीबार धरौटीमा छाड्न आदेश दिए पनि उनलाई प्रक्रिया पुरा गरेर छाड्न शुक्रबार लाग्ने जनाइएको छ ।
नक्कली भुटानी शरणार्थी प्रकरणमा पुर्पक्षको लागि थुनामा रहेका पूर्वगृहमन्त्रीसमेत रहेका नेपाली कांग्रेसका केन्द्रीय सदस्य खाण केन्द्रीय कारागार जगन्नाथदेवलमा छन् ।
खाणलाई अदालतले ३० लाख रुपैयाँ धरौटी मागेको थियो । तर धरौटी बुझाउने प्रक्रियामा समय लाग्ने हुँदा खाण आज नछुट्ने केन्द्रीय कारागारका सहायक जेलर मित्रलाल लुइँटेलले जानकारी दिए ।
उस्तै अभियोगमा सत्तापक्षीय खाण बाहिर, प्रतिपक्षीय रायमाझी जेलमै
मंसिर १५ गते उच्च अदालत पाटनका न्यायाधीशहरू प्रकाश खरेल र जनक पाण्डेबीच राय बाझिँदा खाणबारे निर्णय हुन सकेको थिएन । स्रोतका अनुसार न्यायाधीश कोइरालाले न्यायाधीश पाण्डेको रायसँग सहमति जनाउँदै खाणलाई धरौटीमा छाड्न आदेश दिएका हुन् ।
नक्कली भुटानी शरणार्थी प्रकरणमा पक्राउ परेका २० जनाविरूद्ध ठगी, लिखत कीर्ते, राज्यविरूद्धको अपराध र संगठित अपराधमा गत जेठ १० गते काठमाडौं जिल्ला अदालतमा मुद्दा दर्ता भएको थियो ।
अदालतले गत असार १ गते १७ जनालाई थुनामा पठाएर ३ जनालाई धरौटी माग गरेको थियो । अहिले अरुलाई भने थुनामै राख्न आदेश दिएको छ ।
बालकृष्ण खाणलाई ३० लाख धरौटीमा छाड्न आदेश (पूर्णपाठ)
Facebook Comment
Comment