‘आदिपुरुष’का केही गल्तीहरू, जसले फ्यानलाई बनायो क्रोधित

काठमाडौं। ओम राउतको बहुप्रतिक्षित चलचित्र आदिपुरुष नेपालमा विवादित भएको छ नै भारतमा पनि उत्तिकै आलोचनाको केन्द्रमा छ। फिल्ममा प्रभास, कृति सेनन र सैफ अली खानलगायतका सुपरस्टारहरू छन्। जुन फिल्म हेरेपछि उनीहरूका फ्यानहरूकै क्रोधित बनेका छन्।

फिल्म हेर्न अग्रिम बुकिङको साथ उच्च अपेक्षा बोकेर गएका दर्शकहरू निराश भएर फर्किए। दर्शकहरूबाटै फेसबुक, ट्विटर र अन्य सामाजिक सञ्जाल प्लेटफर्महरूमा निराशाजनक समीक्षाहरू आइरहेका छन्।

नेपालका केही स्थानमा भने सोमबारदेखि महानगरमा हिन्दी फिल्मकै प्रदर्शनमा रोक लगाइएको छ। शुक्रबारबाट प्रदर्शनमा आएको दक्षिण भारतीय फिल्म ‘आदिपुरुष’मा जानकीलाई भारतीय छोरी भनिएको भन्दै महानगरले संवाद नसच्याएसम्म आफ्नो क्षेत्राधिकारभित्र हिन्दी फिल्म प्रदर्शन गर्न नदिने भएको हो।

यस फिल्मले नेपालमाथि सांस्कृतिक अतिक्रमण गरेको भन्दै आलोचना भएकाे छ। यति मात्र नभई फिल्मका धेरै विवादित दृश्यहरू छन्। जसले कलाकारका फ्यानलाई नै निराश मात्र बनाएर क्रोधित तुल्याएको छ।

संवादमा भारतीय छोरी

फिल्ममा जानकी भारतीय छोरी हुन् भन्ने आपत्तिजनक सन्देश छ। जुन हटाउन नेपालबाट माग भइरहेको छ। श्री राघवको पात्र चित्रण गरिरहेका प्रभावले बोलेको संवाद छ, ‘‘आज मेरे लिए मत लड्ना, उस दिनके लिए लड्ना जब भारतकी किसी बेटी पर हात डाल्ने से पहिले दुराचारी तुम्हारा पौरुष याद कर्के थर्रा उठेगा।’’ रामायणको समयमा भारत देश नै थिए। राजा भरतको नामबाट भारत नाम राखिएको विभिन्न ग्रन्थमा छ। त्रेतायुगमा भारत नै थिएन। तर, फिल्ममा जानकीलाई भारतकी छोरी भनिएको छ।

रामको रूप

फिल्ममा भगवान् रामको रूपको दर्शकहरूबाट आलोचना भएको छ। फिल्ममा राम हिन्दूदेवता भन्दा पनि येशू ख्रिस्ट जस्तो देखिन्छ। यो विषयमा सामाजिक सञ्जालमा चर्चा भइरहेको छ। भगवान् रामको रूप सम्बन्धी बहसले यो फिल्म मौलिक विषयवस्तुमा बनेको भन्ने दाबीसँग मेल खाँदैन।

रावणको हेयरस्टाइल

विवादको अर्को विषय रावणको हेयरस्टाइल छ। जसले यो क्यारेक्टरको भूमिका भएको महसुस दर्शकले गरे। फ्यानहरूले रावणको भूमिकामा रहेका सैफ अली खानले दिएका केही संवादहरूको आलोचना गरेका छन्।

हनुमानको अवास्तविक रूप

फिल्ममा भगवान् हनुमानलाई देखाइएको विषयमा पहिल्यैबाट आलोचना भइरहेको थियो। सामाजिक सञ्जालमा ‘रावण’ को लुक्सलाई लिएर निकै ट्रोल गरिएको छ।

हनुमानको संवाद

फिल्ममा भगवान् हनुमानका संवादहरूले पनि आलोचनाको सामना गर्नुपर्‍यो। लङ्का दहन दृश्यमा भगवान् हनुमानले “जलेगी भी तेरे बाप की’’ पङ्क्ति उच्चारण गरेको सुनिन्छ। यी संवादहरू अनादरयुक्त भएको मानिएको छ।

हनुमानको अभिवादन

फिल्ममा भगवान् हनुमानको अभिवादनलाई कसरी चित्रण गरिएको थियो त्यसबाट फ्यानहरू असन्तुष्ट छन्। भगवान् हनुमानले प्रायः आफ्नो हात जोडेर मानिसहरूलाई झुकाउँछन्। तर, फिल्मले यसलाई ‘ब्ल्याक प्यान्थर’को जस्तै इशारा गरेको नयाँ रूप दिएको छ।

इन्द्रजितको ट्याटु

फिल्मका निर्माताहरूले इन्द्रजितको क्यारेक्टरमा धेरै दर्शकहरूबाट आलोचना पाएका छन्। जहाँ ट्याटु स्पष्ट देखिन्छ। उनको चरित्रको चित्रणसँग संगत नमिलेको भन्दै आलोचना भएको छ।

राम–सीताको हुलिया

दर्शकले यस फिल्ममा राम र सीताको सम्बन्धलाई सनसनीपूर्ण बनाएको गुनासो गरेका छन् । चलचित्रको चित्रणप्रति असन्तुष्टि जनाएका छन्। सीतालाई कामुक रूपमा चित्रण गरिएको भन्दै आलोचना भएको छ। केही पक्षहरूलाई बढाइचढाइ गरेको छ।

रावणको टाउको

फ्यानहरूले फिल्ममा रावणको चित्रणसँग आफ्नो असन्तुष्टि व्यक्त गरेका छन्। विशेषगरी उनको टाउको नमिलेको भन्दै आलोचना भएको छ। केही दृश्यमा उनको टिसर्ट लगाएको दृश्य छ। केहीमा ट्याटु देखिएको छ।