काठमाडौं। धितोपत्र बजारमा सेयर कारोबार मापक नेप्से परिसूचक आज झिनो अङ्कले बढेको छ। नेपाल स्टक एक्सचेञ्जका अनुसार नेप्से परिसूचक ४.६८ अङ्कले बढेर १९ सय ३२.३३ विन्दुमा पुगेको छ ।
यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक शून्य दशमलव ३८ अङ्कले बढेर तीन सय ६५ दशमलव ४७ मा पुगेको छ । कारोबार भएका कूल १३ उपसमूहमध्ये पाँच उपसमूहको सेयर मूल्यमा गिरावट आउँदा आठ उपसमूहको सेयर मूल्यमा भने वृद्धि भएको छ ।
विभिन्न कम्पनीका ६५ लाख ४१ हजार तीन सय ८८ कित्ता सेयर रु दुई अर्ब ३६ करोड ८८ लाख १५ हजार छ सय ३५ मूल्यमा खरिद बिक्री भएका छन् । नेप्सेका अनुसार कारोबार रकमका आधारमा सोल्टी होटल शीर्ष स्थानमा छ । सोल्टी होटलको रु १० करोड १३ लाख १० हजार सात सय ३४ बराबरको कारोबार भयो ।
शिवम् सिमेन्ट रु. आठ करोड ९७ लाख २१ हजार चार सय ९१, नागरिक लगानी कोष रु. ६ करोड ९० लाख ३८ हजार, नेपाल दूरसञ्चार कम्पनी रु. ६ करोड ५२ लाख ९० हजार दुई सय ६३ र आइजीआई प्रुडेन्सियल इन्स्योरेन्सको रु. पाँच करोड ६७ लाख ७१ हजार एक सय ५५ बराबरको कारोबार भई शीर्ष पाँचभित्र पर्न सफल भएका छन् ।
नेप्सेका अनुसार, युनिक नेपाल लघुवित्तको सेयर मूल्यमा १० प्रतिशतले वृद्धि भई सकारात्मक सर्किट लागेको छ । खप्तड लघुवित्त आठ दशमलव शून्य दुई, स्वाभिमान लघुवित्त पाँच दशमलव ९५, साल्ट ट्रेडिङ कर्पोरेसनको पाँच दशमलव ४२ र सगरमाथा जलविद्युत् कम्पनीको सेयर मूल्य पाँच दशमलव १५ प्रतिशतले घटेको छ ।
यस्तै, सिद्धार्थ इक्विटी फन्ड चार दशमलव ३५, सनराइज फोकस्ड इक्विटी फन्ड तीन दशमलव ८२, मनकामना स्मार्ट लघुवित्त तीन दशमलव ६५, एनआईबीएल ग्रोथ फन्ड तीन दशमलव ५३ र आरबीबी म्युचुअल फन्ड पहिलोको सेयर मूल्य तीन दशमलव २५ प्रतिशतले घटेको छ । आजको कारोबारपछि बजार पुँजीकरण रु २८ खर्ब २० अर्ब ९९ करोड पुगेको छ ।
Facebook Comment
Comment