झापामा प्रहरीले गोली चलायो, २ जना घाइते

नेपालभ्युज

काठमाडौं । कोसी नाम खारेजीको माग गर्दै आन्दोलनरत पहिचान पक्षधर र प्रहरीबीच झापाको दमकमा झडपका क्रममा गोली चलेको छ ।

प्रहरीका अनुसार कोशी प्रदेश नामकरणको विरोधमा निकालिएको राँके जुलुसका क्रममा प्रहरी र प्रदर्शनकारीबीच झडप भएपछि प्रहरीले गोली चलाएको हो ।

पहिचान पक्षधर विभिन्न संघसंस्थाले मंगलबार साँझ झापाको दमकमा राँके जुलुसहित प्रदर्शन गरेका थिए ।

सो प्रदर्शनका क्रममा भएको झडपमा प्रहरीतर्फ ५ जना र प्रदर्शनकारीतर्फ २ जना घाइते भएको प्रहरीले जनाएको छ । प्रदर्शनकारीले बालेको राँकोले प्रहरीमाथि आक्रमण गरेपछि प्रहरीले गोली चलाएको बताइएको छ ।