सर्वोच्च अदालतको फैसलाविरुद्ध काठमाडौंमा प्रदर्शन

काठमाडौं। रवि लामिछानेको नागरिकतासम्बन्धी विवादमा सर्वोच्च अदालतले गरेको फैसलाविरुद्ध काठमाडौंमा प्रदर्शन भएको छ।

शनिबार युवाहरूको एक समूहले काठमाडौंको माइतीघरदेखि बानेश्वरसम्म प्रदर्शन गरेको हो ।

प्रदर्शनकारीहरूले रवि लामिछानेलाई सुनियोजित रूपमा फसाइएको आरोप लगाएका छन् ।

शुक्रबार सर्वोच्च अदालतले रवि लामिछानेले अमेरिकी नागरिकता त्यागेपछि नेपाली नागरिकता सक्रिय गराउन कानुनले तोकेको प्रक्रिया पूरा नगरेको भन्दै उनको सांसद पद खारेज हुने फैसला गरेको थियो ।

सर्वोच्चको फैसलापछि लामिछानेले उपप्रधानमन्त्री र गृहमन्त्री पदसँगै राष्ट्रिय स्वतन्त्र पार्टीको सभापति पद पनि गुमाएका छन् ।