गेडागुडीमा जडीबुटी मिसाएर खाँदा एकको मृत्यु, ३ जना बिरामी

रमेश रावल

सुर्खेत। जुम्लामा गेडागुडीमा जडीबुटी मिसाएर खाँदा एकजनाको मृत्यु भएको छ । तीनजना बिरामी परेका छन् ।

चन्दननाथ नगरपालिका ८ रोकायाबाडामा गेडागुडीमा जडीबुटी मिसाएर खाएकामध्ये स्थानीय ३५ वर्षीय दीपक रोकायाको मृत्यु भएको जिल्ला प्रहरी कार्यालय जुम्लाले जनाएको छ ।

वर्ष ३८ का तिल रोकाया, वर्ष २८ का टंक रोकाया र वर्ष ३० का पारस धराला बिरामी परेका छन् । उनीहरूको कर्णाली स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ ।