काठमाडौंमा एक किशोरी बलात्कृत, २८ वर्षीय महर्जन पक्राउ

नेपालभ्युज

काठमाडौं। १६ वर्षीया किशोरीलाई जबर्जस्ती करणी गरेको अभियोगमा काठमाडौंका एक युवक पक्राउ परेका छन् । चन्द्रागिरि नगरपालिका–८ मातातीर्थ बस्ने २८ वर्षीय चन्दन महर्जनलाई सोमबार साँझ प्रहरीले पक्राउ गरेको हो ।

महर्जनले ती किशोरीलाई ललाईफकाई काठमाडौं महानगरपालिका–१४ कलंकीस्थित गेस्ट हाउसमा लगेर विभिन्न मितिमा पटक-पटक जबर्जस्ती करणी गरेको भन्ने उजुरीको आधारमा प्रहरी वृत्त कालिमाटीबाट खटिएको प्रहरीले उनलाई मातातीर्थस्थित बौथली चोकबाट पक्राउ गरेको प्रहरीले जानकारी दिएको छ ।