बंगलादेशी दूतावासले १० दिने कला प्रदर्शनी गर्दै

नेपालभ्युज

काठमाडौं । नेपालसँगको कूटनीतिक सम्बन्धको ५०औँ वार्षिकोत्सवका अवसरमा बंगलादेश दूतावासले ‘स्पिरिट अफ फ्रेन्डसिप’ नामक कलाकृति प्रदर्शनी गर्ने भएको छ ।

बबरमहलस्थित सिद्धार्थ आर्ट ग्यालेरीसँगको सहकार्यमा भोलि शुक्रबारदेखि १० दिनसम्म प्रदर्शनी आयोजना गरिएको नेपालस्थित बंगलादेशी दूतावासले जनाएको छ ।

प्रदर्शनीको उद्घाटन शुक्रबार बेलुका नेपाल प्रज्ञा–प्रतिष्ठानका कुलपति गंगाप्रसाद उप्रेतीले सिद्धार्थ आर्ट ग्यालरीमा गर्नेछन् ।

उद्घाटनमा बंगलादेशका प्रसिद्ध कलाकारहरुको पनि सहभागिता रहने दूतावासले जनाएको छ ।