संघ र प्रदेश चुनावमा पनि तालमेल गर्ने सत्ता गठबन्धनको निर्णय

प्रधानमन्त्री निवास बालुवाटारमा शुक्रबार बसेको गठबन्धनको बैठकले पाँच दल मिलेर चुनाव लड्ने निर्णय गरेको हो।

नेपालभ्युज

काठमाडौं। सत्तारुढ गठबन्धनमा सहभागी पाँच दलबीच संघ र प्रदेशको निर्वाचनमा पनि तालमेल गर्ने सहमति भएको छ।
प्रधानमन्त्री निवास बालुवाटारमा शुक्रबार बसेको गठबन्धनको बैठकले पाँच दल मिलेर चुनाव लड्ने निर्णय गरेको हो।

बैठकमा जसपाबाट फुटेका डा. बाबुराम भट्टराई र वामदेव गौतमलाई गठबन्धनमा सहभागी गराउने वा नगराउने भन्ने विषयमा पनि छलफल भएको छ। तर, ठोस निर्णय नभएको एक नेताले बताए।

बिहीबार बसेको मन्त्रिपरिषद् बैठकले प्रदेश र प्रतिनिधिसभा निर्वाचन आगामी मंसिर ४ गते गर्ने निर्णय गरेको थियो।