टी–२० श्रृखला: पाहुना टोली श्रीलङ्कासँग भारत विजयी

श्रीलङ्कासँगको पहिलो टी–२० मा भारत विजयी भएको छ। लखनउमा गएराति भएको खेलमा पाहुना टोली श्रीलङ्कासँगको खेलमा घरेलु टोली भारतले ६२ रनले जितेको हो ।

नेपालभ्युज

काठमाडौं। श्रीलङ्कासँगको पहिलो टी–२० मा भारत विजयी भएको छ। लखनउमा गएराति भएको खेलमा पाहुना टोली श्रीलङ्कासँगको खेलमा घरेलु टोली भारतले ६२ रनले जितेको हो।
भारतले दिएको २ सय रनको लक्ष्य पछ्याएको श्रीलङ्काले २० ओभरमा ६ विकेट गुमाएर १ सय ३७ रन मात्र बनाउन सक्यो। श्रीलङ्काका चारिथ असलन्काले अविजित ५३ रनको अर्धशतकीय पारी खेले पनि टोलीलाई जिताउन सकेनन्।

दुश्मन्था चामिरा २४ रनमा अविजित रहे। भारतका भुवनेश्वर कुमार र भेन्कातेस आयरले दुई÷दुई विकेट लिए। यसअघि पहिले ब्याटिङ गरेको भारतले २० ओभरमा दुई विकेट गुमाएर १ सय ९९ रन बनाएको थियो। भारतका इशान किशनले ८९ रन तथा श्रेयस एयरले अविजित ५७ रनको अर्धशतकीय पारी खेले।

कप्तान रोहित शर्माले ४४ रन बनाए। श्रीलङ्काका लाहिरु कुमारा र डसुन शनकाले एकएक विकेट लिए। जितसँगै भारतले तीन खेलको शृङ्खलामा १–० को अग्रता बनाएको छ।