ओमिक्रोन तीव्र गतिमा फैलिएसँगै हजारौँ टिकेट उडान रद्द

नेपालभ्युज

काठमाडौं। विश्वभर कोरोनाको नयाँ भेरिअन्ट ओमिक्रोन तीव्र गतिमा फैलिएसँगै हजारौँ उडान रद्द भएका छन्। एयरलाइन्स कम्पनीहरूले क्रिसमस र नयाँ वर्षको लागि लिइएका टिकट रुद्ध भएका हुन्।

बिदा मनाउनेहरूको सङ्ख्या बढिरहेको बेला उनीहरूले उडान रद्द गरेका हुन्। शुक्रबार मात्रै करिब २ हजार ४ सय उडान रद्द भएका छन्।

शनिबार अर्थात् आज पनि २ हजार ३ सयभन्दा बढी उडान रद्द भएको समाचारमा उल्लेख छ।

शनिबार रद्द गरिएका उडानहरूमध्ये ८०० भन्दा बढी अमेरिकी एयरपोर्टमा अवतरण वा उडान गर्ने तालिका थिए।

अहिले अमेरिका र युरोपमा कोरोनाको नयाँ सङ्क्रमण तीव्र गतिमा फैलिएको छ।