हमासद्वारा बन्धक बनाइएका इजरायली नागरिकको भिडियो सार्वजनिक

नेपालभ्युज

काठमाडौं । प्यालेस्टेनी लडाकु हमास समूहले बन्धक बनाएका दुई व्यक्तिको भिडिओ सार्वजनिक गरेको छ ।

गत वर्षको ७ अक्टोबरमा इजरायलमा आक्रमण गरी हमासले बन्धक बनाएकामध्ये अर्का एक जनाको भिडियो सार्वजनिक गरेको हो ।

युद्धको क्रममा मारिएका भनिएका बन्धककोे भिडिओ सार्वजनिक भएकोे छ ।

हमासको नियन्त्रणमा रहेका इजरायली नागरिक ओमरी मिरानले आफू २ सय २ दिनदेखि हमासको नियन्त्रणमा रहेको भिडिओमा बताएका छन् । हमासले मिरानसँगै अर्का बन्धक कीथ सिगलको पनि भिडिओ सार्वजनिक गरेको छ ।

उनीहरुको भिडिओ सार्वजनिक भएसँगै परिवारका सदस्यले हमाससँग सम्झौता गरेर बन्धकको रिहाई गर्न सरकारसँग अपिल गरेका छन् । हमासले पछिल्लो समय युद्धविरामका लागि चासो देखाइरहेको छ ।

हमासले २ सय ५० भन्दा बढीलाई अपहरण गरेको थियो । जवाफमा इजरायलले जारी राखेको आक्रमणमा गाजामा ३४ हजार बढीको मृत्यु भइसकेको छ ।