संसद् बैठक

एमाले अवरोधबीच विनियोजन विधयेक पेश

नेपाल भ्यूज

एमाले अवरोधबीच विनियोजन विधयेक पेश
फाइल फोटो

काठमाडौं । प्रमुख विपक्षी दल नेकपा एमालेको नाराबाजीबीच सभामुख अग्निप्रसाद सापकोटाले प्रतिनिधिसभाको बैठकमा विनियोजन विधेयक अघि बढाएका छन्।

बैठक शुरु हुनेबित्तिकै नेकपा एमालेका सांसदहरूले ‘वेल’ घेरे पनि रोष्ट्रममा नै रहेका अर्थमन्त्री जनार्दन शर्माले विनियोजन विधेयकमाथिको छलफल अघि बढाइयोस् भन्ने प्रस्ताव पेश गरेका थिए।

प्रतिनिधिसभाको बैठकमा एमालेका सांसदहहरूले अवरोध कायमै रोखेका छन्। एमालेका सांसदले ‘संसदीय मर्यादा कायम गर, संवैधानिक सर्वोच्चता कायम गर भन्ने नाराबाजीसहित रोष्टम घेराउ गरेका थिए।

यसअघि सोमबार बैठक सञ्चालनका लागि सभामुखले छलफल राखे पनि एमाले सहभागी भएन।

एमालेले आफूले कारबाही गरिसकेपछि नयाँ पार्टी बनाएका माधव नेपालसहितका १४ सांसदलाई संसदमा प्रवेश गराएको भन्दै संसद अवरोध गर्दै आएको हो । संसदको बैठक सरु भएको यही भदौ २३ यता एमालेले लगातार संसदको अवरोध गर्दै आएको छ । यसअघि बसेको ७ वटा बैठकमा समेत एमालेले नाराबाजी गरेको थियो।

प्रतिनिधि सभाको अर्को बैठक ४ असोज २०७८ बिहान ११ बजे बस्ने सभामुखले जानकारी दिए।

तपाईंलाई नेपाल भ्यूज कस्तो लागिरहेको छ ? तपाईंले हामीलाई फेसबुक, युट्युब, ट्विटर, टिकटक मार्फत् सल्लाह, सुझाव र प्रतिक्रिया दिन सक्नुहुन्छ ।

Leave a Reply

Your email address will not be published. Required fields are marked *

सम्बन्धित

ट्रेन्डिङ

Copyright © 2021 Digital House Nepal Pvt. Ltd. - All rights reserved