काठमाडौं । यो साता आइतबार होलीका कारण सार्वजनिक बिदा भएकाले सेयर बजार बन्द थियो । तर सोपछिको कारोबार हुने साताका बाँकी चार दिन नेप्सेमा खासै उत्साह देखिएन ।
सोमबारबाट खुलेको सेयर बजारमा कारोबारको पहिलो दिनैमै भारी गिरावट आएको थियो । मंगलबार दोहोरो अंकले बढेको बजार कारोबारको तेस्रो दिन पुन दोहोरो अंकले घटेर बन्द भएको थियो ।
कारोबारको अन्तिम दिन भने सेयर बजारमा सामान्य अंकको सुधार देखिएको छ । २०३१ को विन्दुबाट कारोबार सुरु गरेको सेयर बजार कारोबारको अन्तिम दिनसम्म आइपुग्दा २०३५ को विन्दु छुन सफल भएको छ ।
यो साता सेयर बजारमा कुल ९ अर्ब ७३ करोड २३ लाख बराबरको कारोबार भएको छ । गत साताको सोही अवधिमा १७ अर्ब ७१ करोड ६८ लाख ५६ हजार बराबरको कारोबार भएको थियो ।
सोमबार :
सोमबार नेप्से परिसूचक १७ दशमलव ०१ अंकले घटेर २०३१ दशमलव ५५ को विन्दुमा पुगेको थियो । जसमा ३०४ कम्पनीका ४४ हजार २ सय ३६ पटकको कारोबारमा २ अर्ब ४८ करोड ९१ लाख १८ हजार ४ सय ८५ रुपैयाँ कारोबार भएको थियो ।
मंगलबार :
मंगलबार नेप्से परिसूचक १० दशमलव १४ अंकले बढेर २०४१ दशमलव ७० को विन्दुमा पुगेको थियो । जहाँ ३१० कम्पनीका ५९ हजार ५ सय १२ पटकको कारोबारमा ६८ लाख ४२ हजार ३ सय ९२ कित्ता सेयर खरिद बिक्री भएको थियो भने कारोबार रकम २ अर्ब ३५ करोड ४३ लाख ४८ हजार ५ सय ३ रुपैयाँ रहेको थियो ।
बुधबार :
बुधबार नेप्से परिसूचक १० दशमलव ८३ अंकले घटेर २०३० दशमलव ८६को विन्दुमा पुगेको थियो । जहाँ ३१० कम्पनीका ४४ हजार २ सय ५९ पटकको कारोबारमा ६० लाख ४७ हजार ०२१ कित्ता सेयर खरिद बिक्री भएको थियो भने कारोबार रकम २ अर्ब २३ करोड ५४ लाख ८५ हजार ५ सय ३४ रुपैयाँ रहेको थियो ।
बिहीबार :
कारोबारको अन्तिम दिन बिहीबार नेप्से परिसूचक ५ दशमलव ७८ अंकले बढेर २०३५ दशमलव ६४ को विन्दुमा पुगेको छ । बिहीबार ३१३ कम्पनीका ५३ हजार ६ सय १९ पटकको कारोबारमा ६६ लाख १४ हजार ४ सय ४५ कित्ता सेयर खरिद बिक्री भएको छ । जसमा कारोबार रकम भने २ अर्ब ६५ करोड ३३ लाख ४९ हजार ४ सय ६८ रुपैयाँ रहेको छ ।
#NEPSE # Weekly_Analysis
Facebook Comment
Comment