राष्ट्रियसभाका नवनिर्वाचित सदस्यले आज सपथ लिदैँ

काठमाडौं । राष्ट्रियसभाका नवनिर्वाचित सदस्यको आज शपथग्रहण हुँदैछ । बिहान साढे ११ बजे संसद भवनको ल्होत्से हलमा शपथ ग्रहण हुने संसद सचिवालयले जनाएको छ । राष्ट्रियसभाका अध्यक्ष गणेशप्रसाद तिमिल्सिनासहित २० जना सदस्यहरूको पदावधि फागुन २० गते आइतबार सकिएको छ ।

६ वर्षे कार्यकाल निर्धारण भएका सांसदको पदावधि हिजोदेखि सकिएको हो । राष्ट्रिय सभा सदस्यको पदावधि ६ वर्षको हुने र हरेक दुई वर्षमा एक तिहाइ सदस्यको निर्वाचन हुने व्यवस्था छ ।

आज सपथ लिने १९ जना माघ ११ मा सम्पन्न निर्वाचनबाट निर्वाचित भएका हुन् । बाँकी एक सदस्य भने मन्त्रिपरिषद्को सिफारिसमा राष्ट्रपतिबाट मनोनीत हुनेछन् ।

राष्ट्रियसभाका अध्यक्षको निर्वाचन भने आगामी फागुन २९ गते गर्ने कार्यतालिका छ ।