दोहोरो अंकले बढ्यो नेप्से, कारोबार रकम २ अर्ब ४३ करोड

नेपालभ्युज

काठमाडौं । साताको कारोबारको दोस्रो दिन सेयर बजारमा हरियाली छाएको छ । सोमबार नेप्से १४.५७ अंकले बढेर २०७६.२७ विन्दुमा पुगेको छ ।

आज ३१० कम्पनीको ५६ हजार ७ सय ७५ पटकको कारोबारमा ७४ लाख ९१ हजार ३०३ सेयर खरिद बिक्रि भएको छ । साथै, २ अर्ब ४३ करोड ८० लाख रुपैयाँ बराबरको कारोबार भएको छ ।

त्यस्तै, आज क वर्गको कम्पनीको मापक सेन्सेटिभ इन्डेक्स पनि ५ दशमलव ९५ अंकले बढेर ३७९ दशमलव २८ विन्दुमा पुगेको छ । २०औँ वार्षिकोत्सव मनाएको नेपाल टेलिकमको सेयर सकारात्मक सर्किट लेभलमा कारोबार भएको छ । पिपुल्स पावर र समाज लघुवित्तको शेयर पनि १० प्रतिशतले बढेको छ ।