सन्दीप लामिछानेको मुद्दामा बहस सकियो, सजाय केहीबेरमा सुनाइने

नेपालभ्युज

काठमाडौं । बलात्कार आरोपमा दोषी ठहर भएका क्रिकेटर सन्दीप लामिछानेको मुद्दामा बहस सकिएकोले केहीबेरमा तोकिएको सजाय सुनाइने छ ।

काठमाडौं जिल्ला अदालतका न्यायाधीश शिशिरराज ढकालको इजलासमा सजाय निर्धारणका लागि भएको बहसपछि फैसला सुनाउने तयारी छ । केहीबेरमै न्यायाधीश ढकालले लामिछानेमाथि सजाय तोक्नेछन् ।

यसअघि ७ देखि १० वर्षसम्म कैद सजाय हुने दफालाई टेकेर लामिछानेलाई दोषी ठहर गरिएको थियो । जाहेरवालापक्षले अधिकतम र सन्दीपका वकिलले न्यूनतम सजाय माग गर्दै बहस गरेका छन् ।

यसअघि जिल्ला न्यायाधीश शिशिरराज ढकालको इजलासले उनी दोषी रहेको फैसला सुनाएको हो । तर सजाय तोक्नका लागि आज पेसी तोकिएको थियो ।