काठमाडौं । रुपन्देहीको तिलोत्तमामा ट्रकले मोटरसाइकललाई ठक्कर दिँदा दुई जनाको मृत्यु भएको छ ।
बुटवलबाट भैरहवातर्फ जाँदै गरेको मोटरसाईकललाई ट्रकले ठक्कर दिँदा सहकारी अभियन्ता माधवलाल देवकोटासहित दुईजनाको मृत्यु भएको प्रहरीले जनाएको छ ।
बुटवलबाट भैरहवातर्फ जाँदै गरेको लु ४९ प २२३० नम्बरको मोटरसाईकललाई पछाडिबाट आउँदै गरेको ना ६ ख ८१६१ नम्बरको ट्रकले ठक्कर दिएको हो । देवकोटासँगै मोटरसाइकलमा सवार तिलोत्तमा नगरपालिका–२ जानकीनगरकी यादा क्षेत्रीको पनि मृत्यु भएको प्रहरीले जनाएको छ ।
मणीग्राममा व्यापार मेला लागेको छ । तिलोत्तमा उद्योग बाणिज्य संघले आयाेजना गरेकाे मेलातर्फ जाँदै गर्दा ट्रकले ठक्कर दिएको हो । देवकोटा तिलोत्तमा उद्योग बाणिज्य संघका सल्लाहकार हुन् । मृतक दुवैको शव मणिग्रामस्थित क्रिमसन अस्पतालमा राखिएको छ।
तिलोत्तमा सहकारीका अध्यक्ष रहेका देवकोटा सहकारी संघका केन्द्रीय सदस्य एवं राष्ट्रिय सहकारी बैंकका सञ्चालकसमेत हुन् ।
Facebook Comment
Comment