निर्माण व्यवसायी निरन्तर आन्दोलनमा, सडक विभागमा ताला लगाउने प्रयास (तस्वीरहरू)

ललितपुर। आन्दोलनरत निर्माण व्यावसायीहरूले आज आफ्नो आन्दोलनको तेस्रो चरणअन्तर्गत, ललितपुरमा अवस्थित सडक विभाग र सिँचाइ विभागमा ताला लगाउने प्रयास गरेका छन् ।

जावलाखेलमा अवस्थित सिँचाइ विभागमा ताला लगाउन खोज्ने निर्माण व्यवसायीहरू पक्राउ परेका छन्। आइतबार बिहान  विभागमा ताला लगाउन पुगेका उनीहरूलाई प्रहरीले पक्राउ गरेको हो ।

पाटनमा रहेको सडक विभागमा भने प्रहरीले ताला लगाउन दिएन । मुख्य गेटमा ताला लगाउन प्रहरीले रोकेपछि उनीहरूको सडक विभागको भवन नम्बर ३ मा ताला लगाएका छन् ।

सरकारले समयमै भुक्तानी नदिँदा बैंकले निर्माण व्यवसायीलाई कालोसूचीमा राखेको, मजदुरलाई पारिश्रमिक दिन नसकेको लगायतका समस्या झेल्नुपरिरहेको उनको गुनासो छ ।

सरकारले निर्माण व्यवसायीहरूलाई काममा फर्काउनका लागि ठोस कार्ययोजना बनाई माग सम्बोधन गर्नुपर्ने उनीहरूको भनाइ छ । निर्माण व्यवसायीहरू असार २७ गतेदेखि निरन्तर आन्दोलित छन् ।

तस्वीरहरू :-