गोपनियता भंग हुने भएकाले बैठक लाइभ गरिएनः माधव सापकोटा

नेपालभ्युज

काठमाडौं । सत्तारुढ दल नेकपा (माओवादी केन्द्र) को केन्द्रीय कमिटीको बैठकमा आज १८ जना सदस्यहरुले आफ्नो धारणा राखेका छन् ।

बुधवार बसेको पार्टीको केन्द्रिय कमिटीको बैठकमा पार्टी अध्यक्ष पुष्पकमल दाहालले छलफलको विषयहरु राखिसकेपछि १८ जना केन्द्रीय सदस्यले आफ्ना धारणा राखेका हुन् ।

अध्यक्ष दाहालले संगठनात्मक संरचना भद्दा र चुस्त नभएको र अब चुस्त बनाएर लैजानुपर्ने धारणा राखेको सदस्य माधव सापकोटाले बताए । उनले एक पटक पार्टी पंक्तिलाई वडा स्तरमा फर्काउने र तीन महिनाको अभियान सञ्चालन गरी विधान सम्मेलनका बारेमा छलफल भइरहेको बताए । उनले पार्टीको गोपनीयता भंग हुने र मुल आत्मा मर्ने भएकाले बैठक लाइभ नगरिएको बताए ।

उनले भने ‘बैठक लाइभ गर्नु भनेको मुल आत्मालाई मार्नु हो । बैठक आन्तरिक हो, घरायसी हो । नेतृत्वको आलोचना गर्ने, सुझाव दिने कुरा हो । लाइभ गर्दा गोपनियता भंग हुन्छ ।’