बालेनको निर्देशनमा काठमाडौंमा हिन्दी फिल्न चलेनन, पोष्टर समेत हटाइयो

काठमाडौं। काठमाडौं महानगरपालिकाका मेयर बालेन शाहको निर्देशनपछि काठमाडौं महानगरभित्रका फिल्म हलमा भारतीय फिल्म चल्न छाडेका छन् ।

हिजो आइतबार बालेनले सोमबारदेखि काठमाडौं महानगरभित्रका हलमा फिल्म चलाउन नदिने बताएका थिए । आज सोमबार विहानदेखि हिन्दी फिल्मका शो रोकिएका छन् ।

केही हलमा आदिपुरुषको विहान ७ बजेको शो रहेकोमा रद्द भएको सञ्चालकले जनाएका छन् । धेरै हलले हिन्दी फिल्मको पोष्टर समेत हटाएका छन् भने आगामी फिल्मको प्रचार पनि रोकेका छन् ।

बलिउड चलचित्र ‘आदिपुरुष’को संवादलाई लिएर काठमाडौं महानगरपालिकाका मेयर बालेन शाहले प्रतिबन्ध लगाएपछि हिन्दी सिनेमा नचल्ने भएका हुन ।

मेयर शाहले आइतबार लेखेका थिए, ‘भारतीय चलचित्र आदिपुरुषमा समावेश भएको जानकी भारतीय छोरी हुन् भन्ने आपत्तिजनक सन्देश उक्त चलचित्रको मूल भागबाट हटाउन हामीले ३ दिन पहिले हटाउन आव्हान गरेको थियौ, ‘काठमाडौँ महानगरपालिका क्षेत्र भित्र उक्त राष्ट्र हित विपरीतको चलचित्रको प्रदर्शनलाई निषेध गरेर मात्र देश भित्रका अन्य क्षेत्र र विदेशमा सो चलचित्र प्रदर्शन हुन दिने हो भने त्यसले भ्रामक तथ्य स्थापित गर्ने भएकोले उक्त चलचित्रबाट आपत्तिजनक अंश नहटाएसम्म काठमाडौँ महानगरमा कुनै पनि भारतीय चलचित्र प्रदर्शन गर्न निषेध गरिएको छ ।’